കോട്ടയം: പാലാ നഗരസഭയിലെ ചെയർപേഴ്സണ് സ്ഥാനത്തേക്കുള്ള തെരെഞ്ഞെടുപ്പ് ഓഗസ്റ്റ് 19 ന് നടക്കും. രാവിലെ 11 ന് നടക്കുന്ന തെരഞ്ഞെടുപ്പ് പ്രക്രിയയില് ജില്ലാ വിദ്യാഭ്യാസ ഓഫീസർ വാരണാധികാരിയാവും.
കോണ്ഗ്രസില്നിന്ന് പുറത്താക്കപ്പെട്ടവരുടെ നേതൃത്വത്തില് പുതിയ മുന്നണിക്കാണ് സാധ്യത തെളിയുന്നത്. നിലവിലെ രാഷ്ട്രീയ സാഹചര്യത്തില് സ്വതന്ത്ര അംഗമായ മായ രാഹുല് തെരഞ്ഞെടുക്കപ്പെടാനാണ് സാധ്യത
കേരളാ കോണ്ഗ്രസ് എമ്മിലെ 10, സി.പി.എമ്മിലെ 2, കോണ്ഗ്രസ് വിമത കൗണ്സിലർമാരായ നാലും പേരും മായ രാഹുലും ചേർന്ന് 17 അംഗ പിന്തുണയാണ് മായക്ക് പ്രതീക്ഷ നല്കുന്നത്.
വിപ്പ് ലംഘിച്ചെന്ന് ആരോപിച്ചു കോണ്ഗ്രസ് പുറത്താക്കിയ ലിസി കുട്ടി മാത്യു, ബിജു മാത്യൂസ്, ടോണി തൈപ്പറമ്പില്, രജിത പ്രകാശ് എന്നീ നാലു കൗണ്സിലർമാരും വൈസ് ചെയർപേഴ്സനും ഉള്പ്പെടുന്നതാണ് പുതിയ മുന്നണി.
പുതിയ മുന്നണിയും എല്ഡിഎഫും ഇക്കാര്യത്തില് ഏകദേശ ധാരണയായതായാണ് സൂചന. എന്നാല് തീരുമാനം പിന്നീട് അറിയിക്കാമെന്നാണ് ഔദ്യോഗിക അറിയിപ്പ്.
