പാലാ: നഗരസഭാ ചെയർപേഴ്സണ് സ്ഥാനത്തേക്ക് മായാ രാഹുലിന് സാധ്യതയേറി. പ്രതിപക്ഷമായ ഇടതുമുന്നണിയുടെയും കോണ്ഗ്രസില് നിന്നും പുറത്തായ നാല് കണ്സിലർമാരുടെയും പിന്തുണ മായാ രാഹുലിനാണ്.
ചെയർപേഴ്സണ് സ്ഥാനത്തേക്കുള്ള തെരഞ്ഞെടുപ്പ് 20 ദിവസത്തിനുള്ളില് നടക്കും. ഇന്നോ നാളെയോ തെരഞ്ഞെടുപ്പ് കമ്മീഷൻ തീയതി പ്രഖ്യാപിക്കും. അതേസമയം ഒരു ടേമില് ചെയർപേഴ്സണ് സ്ഥാനം കോണ്ഗ്രസില് നിന്നും പുറത്തായ ലിസിക്കുട്ടി മാത്യുവിന് നല്കണമെന്ന നിർദ്ദേശം ചിലർ ഉയർത്തുന്നുണ്ട്. ഇതും പരിഗണിച്ചേക്കും.
പാലാ മുനിസിപ്പല് കൗണ്സിലില് രണ്ടാം ടേമിലും വിജയിച്ച മായാ രാഹുല് 19ാം വാർഡിനെയാണ് പ്രതിനിധീകരിക്കുന്നത്
വൈസ് ചെയർമാൻ സ്ഥാനത്തേക്ക് ടോണി തൈപ്പറമ്പില്, ബിജു മാത്യൂസ്, രജിത പ്രകാശ് എന്നിവരുടെ പേരുകളും പരിഗണിക്കുന്നുണ്ട്. ഇത് സംബന്ധിച്ച് വിശദമായ ചർച്ചകള് അടുത്തദിവസം നടക്കും. അവിശ്വാസ പ്രമേയത്തെ അനുകൂലിച്ച 17 പേരും ഒരു കൂട്ടായ്മയായി മുന്നോട്ട് പോകാനാണ് നീക്കം. സുസ്ഥിരമായൊരു ഭരണത്തിനായി പിന്തുണ നല്കുമെങ്കിലും നേരിട്ട് ഭരണരംഗത്തേക്ക് കടക്കാനില്ലെന്ന നയം പ്രതിപക്ഷ നേതാവ് ബിജു പാലുപടവില് കഴിഞ്ഞദിവസം തന്നെ വ്യക്തമാക്കിയിരുന്നു.
a
