കോട്ടയം: കോട്ടയം പാലാ മുരിക്കുമ്പുഴയില് കിടപ്പുരോഗിയായ മകനെയും അച്ഛനെയും വീടിനുള്ളില് മരിച്ച നിലയില് കണ്ടെത്തിയ സംഭവത്തില് പോസ്റ്റ്മോര്ട്ടം റിപ്പോര്ട്ടു വിവരങ്ങള് പുറത്തുവന്നു.
അച്ഛന് പ്രേമാനന്ദന്(63) മരിച്ചതു വിഷം ഉള്ളില് ചെന്നാണെന്നു സ്ഥിരീകരിച്ചു. കഴിഞ്ഞ ഒന്പതു വര്ഷമായി പൂര്ണമായും കിടപ്പുരോഗിയായിരുന്ന മകന് അമല് പി. ആനന്ദ് (29)മരിച്ചതറിഞ്ഞു മനോവിഷമത്തില് പിതാവ് ജീവനൊടുക്കിയതാണ് എന്നാണു പോലീസിന്റെ പ്രാഥമിക നിഗമനം
കോളജ് പഠനകാലത്തുണ്ടായ അപകടത്തെ തുടര്ന്നാണ് ഇരുപത്തിയൊന്പതുകാരനായ അമല് കിടപ്പിലായത്. അമ്മ ആശുപത്രിയില് പോയ സമയത്തായിരുന്നു ഇരുവരെയും മരിച്ച നിലയില് കണ്ടെത്തിയത്. മകന് മരിച്ചതറിഞ്ഞു അച്ഛന് വിഷം കഴിച്ചു ആത്മഹത്യചെയ്തതാകാമെന്നാണ് പോലീസിന്റെ പ്രാഥമിക അന്വേഷണത്തില് നിന്നു വ്യക്തമാകുന്നത്.





