പാലാ:ആയുർവേദ ദിനാചരണത്തിന്റെ ഭാഗമായി പാലാ ടൗൺ ഹാളിൽ സൗജന്യ മൾട്ടി സ്പെഷ്യാലിറ്റി ആയുർവേദ മെഡിക്കൽ ക്യാമ്പ് സംഘടിപ്പിച്ചു.
ഗവൺമെന്റ് ആയുർവേദ ആശുപത്രിയുടെ നേതൃത്വത്തിൽ നടന്ന ക്യാമ്പ് പാലാ നഗരസഭ ചെയർപേഴ്സൺ മായാ രാഹുൽ ഉദ്ഘാടനം ചെയ്തു.
ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ രജിത പ്രകാശ് അധ്യക്ഷത വഹിച്ചു.
ഡോ. ജുവൽ ജോസ് വിഷയാവതരണം നടത്തി.
പാലാ ഡിവൈ.എസ്.പി. കെ. സദൻ മുഖ്യാതിഥിയായി. അസിസ്റ്റന്റ് എക്സൈസ് ഇൻസ്പെക്ടർ ജെക്സി ജോസഫ് ബോധവൽക്കരണ ക്ലാസ് നയിച്ചു.
നഗരസഭ വൈസ് ചെയർമാൻ ബിജു മാത്യൂസ്, കൗൺസിലർമാരായ പ്രിൻസി സണ്ണി, ബിജു വരിക്കാനി, ടോണി തൈപ്പറമ്പിൽ, ബിജി ജോജോ, ദിയ ബിനു പുളിക്കണ്ടം, അഡ്വ ബിനു പുളിയ്ക്ക കണ്ടം നഗരസഭ സെക്രട്ടറി ആകാശ് എം.എസ്., ഡോ. രോഷ്നി സി., ഡോ. ജിൻസി തുടങ്ങിയവർ പങ്കെടുത്തു.
