മൈസൂരു: സ്കൂള്‍ ബസ് ശരീരത്തിലൂടെ കയറി ഇറങ്ങി ഒന്നര വയസ്സുകാരിക്ക് ദാരുണാന്ത്യം. കർണാടകയിലെ മൈസൂരു ജില്ലയിലാണ് സംഭവം.
ഒരു വയസ്സും ഏഴു മാസവും പ്രായമുള്ള ലതിക്‌ഷയാണ് മരിച്ചത്. സഹോദരനെ വിളിക്കാനായി അമ്മയ്ക്കൊപ്പം എത്തിയതാണ് ലതിക്‌ഷ.
സ്കൂള്‍ ബസില്‍നിന്ന് നാലു വയസ്സുള്ള മകനെ അമ്മ ഇറക്കുന്നതിനിടെ, ബസ് മുന്നോട്ടെടുക്കുകയും തൊട്ടടുത്തു നിന്ന് ലതിക്‌ഷയെ ഇടിക്കുകയുമായിരുന്നു. ബസ്സിന്റെ ടയർ ശരീരത്തിലൂടെ കയറി ഇറങ്ങിയ പെണ്‍കുട്ടി തല്‍ക്ഷണം മരിച്ചു
സംഭവത്തില്‍ സ്കൂള്‍ ബസ്സിന്റെ ഡ്രൈവർ സിദ്ധരാജു (42)വിനെതിരെ പരാതി നല്‍കി. ഡ്രൈവറുടെ അശ്രദ്ധയാണ് കുഞ്ഞിന്റെ ജീവനെടുത്തതെന്നും തക്കതായ നിയമനടപടി സ്വീകരിക്കണമെന്നും കുടുംബം പരാതിയില്‍ പറയുന്നു.
