നാട്ടകം: നാട്ടകം ജനകീയ കൂട്ടായ്മയിലൂടെയും പൊതുസമൂഹത്തിന്റെ സഹകരണത്തോടെയും പുനർനിർമ്മിച്ച മഹാത്മജി സ്മാരക ഗ്രന്ഥശാലയുടെ വാർഷിക പൊതുയോഗം നവംബർ 15 ഞായറാഴ്ച ജപ്പാൻ മ്യൂസിക് ക്ലബ്ബ് ഓഡിറ്റോറിയത്തിൽ നടന്നു.

പ്രസിഡന്റ് വി.പി. ലാലുവിന്റെ അധ്യക്ഷതയിൽ കൂടിയ യോഗത്തിൽ ഭവ്യ എസ്. ഈശ്വരപ്രാർത്ഥന ആലപിച്ചു. രക്ഷാധികാരി എസ്.ഡി. രാജേഷ് ആമുഖ പ്രസംഗം നടത്തി.
യോഗം കേരള നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ ഉദ്ഘാടനം ചെയ്തു. ഗ്രന്ഥശാലയുടെ മുന്നോട്ടുള്ള എല്ലാ പ്രവർത്തനങ്ങൾക്കും എം.എൽ.എ എന്ന നിലയിൽ പൂർണ്ണ പിന്തുണ ഉണ്ടാകുമെന്ന് അദ്ദേഹം അറിയിച്ചു. നാട് ഒന്നിച്ച് നിന്ന് പ്രവർത്തിച്ചവരെയും ഇതിന് നേതൃത്വം നൽകിയവരെയും അദ്ദേഹം പ്രത്യേകമായി പ്രശംസിച്ചു.
സെക്രട്ടറി ഷാജിലാൽ പ്രവർത്തന റിപ്പോർട്ടും വരവ്-ചെലവ് കണക്കുകളും അവതരിപ്പിച്ചു.
കോട്ടയം ജില്ലാ ലൈബ്രറി കൗൺസിൽ ജോയിന്റ് സെക്രട്ടറി ബി. ശശികുമാർ മുഖ്യപ്രഭാഷണം നടത്തി. വർഷങ്ങൾക്ക് മുമ്പ് ലൈബ്രറി നാടിന്റെ വലിയ സാംസ്കാരിക കേന്ദ്രമായിരുന്നുവെന്നും നിരവധി പരിപാടികളാൽ സജീവമായിരുന്നുവെന്നും അദ്ദേഹം ഓർമ്മിപ്പിച്ചു. പുനർനിർമ്മാണത്തിലൂടെ പൂർത്തീകരിച്ച ലൈബ്രറിയുടെ എല്ലാ പ്രവർത്തനങ്ങൾക്കും കൗൺസിലിന്റെ പിന്തുണയും സഹായവും ഉണ്ടാകുമെന്ന് അദ്ദേഹം ഉറപ്പുനൽകി.
താലൂക്ക് ലൈബ്രറി കൗൺസിൽ സെക്രട്ടറി ഷൈജു തെക്കുചേരി മുഖ്യസന്ദേശം നൽകി. ഗ്രന്ഥശാലയെ കൂടുതൽ മികച്ചതാക്കുന്നതിനുള്ള നിർദ്ദേശങ്ങളും കൗൺസിലിന്റെ പിന്തുണയും അദ്ദേഹം അറിയിച്ചു.
ചടങ്ങിൽ കോട്ടയം എം.എൽ.എയും നിയമസഭാ സ്പീക്കറുമായ തിരുവഞ്ചൂർ രാധാകൃഷ്ണന് ഗ്രന്ഥശാലയുടെ ആദരവ് നൽകി.
കൗൺസിലർ രാഗിണി സാബു, മുൻ കൗൺസിലറും രക്ഷാധികാരിയുമായ എബി കുന്നേപ്പറമ്പിൽ, കമ്മിറ്റിയംഗങ്ങളായ ജോസ് പവിയാനോസ്, സലിം എം.എൻ., റൂബി ജോസ്, സുമാ അനിൽ, മനോജ് പി.ഡി. എന്നിവർ ആശംസകൾ അർപ്പിച്ച് സംസാരിച്ചു.
വൈസ് പ്രസിഡന്റ് ഷാനവാസ് എസ്.എസ്. സ്വാഗതവും അഡ്വ. ജിഷാ ജിഷോർ നന്ദിയും രേഖപ്പെടുത്തി.
പുതിയ ഭാരവാഹികൾ
പ്രസിഡന്റ്: എസ്.ഡി. രാജേഷ്
വൈസ് പ്രസിഡന്റ്: ഷാനവാസ് എസ്.എസ്.
സെക്രട്ടറി: ഷാജിലാൽ
ജോ. സെക്രട്ടറി: അഡ്വ. ജിഷാ ജിഷോർ
കമ്മിറ്റിയംഗങ്ങൾ: കെ. ശങ്കരൻ, എബി കുന്നേപ്പറമ്പിൽ, പ്രസന്നൻ പി.ജെ., സുമാ അനിൽ, അജിത, ആർ. പത്മകുമാർ, രശ്മി ദീപു, സംഗീത സെൻ, ജെബിൻ ജോസ്, ഗോകുൽ രാജ്, വിഷ്ണു ബാലൻ





