കോട്ടയം : കോട്ടയം റവന്യൂ ജില്ല ശാസ്ത്രോത്സവം നവംബർ 10,11 തീയതികളിൽ അതിരമ്പുഴ സെന്റ് അലോഷ്യസ് ഹയർ സെക്കൻഡറി സ്കൂളിൽ വച്ച് നടത്തപ്പെടും. പത്താം തീയതി രാവിലെ 9 30 ന് നാട്ടകം സുരേഷ് എം.എൽഎയുടെ അധ്യക്ഷതയിൽ ചേരുന്ന യോഗം ജലസേചന ഭവന നിർമ്മാണ വകുപ്പ് മന്ത്രി മോൻസ് ജോസഫ് ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് മുഖ്യപ്രഭാഷണം നടത്തും. ലോഗോ ഡിസൈനിങ് മത്സരത്തിലെ വിജയികൾക്ക് ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ പി കെ വൈശാഖ് സമ്മാനങ്ങൾ നൽകും . ജില്ലാ, ബ്ലോക്ക് ഗ്രാമപഞ്ചായത്ത് ജനപ്രതിനിധികൾ വിദ്യാഭ്യാസ ഓഫീസർമാർ തുടങ്ങിയവർ ആശംസകൾ അർപ്പിക്കും . ജനറൽ കൺവീനറും കോട്ടയം വിദ്യാഭ്യാസ ഉപ ഡയറക്ടറുമായ ഹണി ജി അലക്സാണ്ടർ സ്വാഗതം ആശംസിക്കും. റിസപ്ഷൻ കമ്മിറ്റി കൺവീനർ പ്രദീപ്കുമാർ വി സമ്മേളനത്തിന് നന്ദി അർപ്പിക്കും
രണ്ടുദിവസങ്ങളായി നടക്കുന്ന ശാസ്ത്ര,ഗണിത ശാസ്ത്ര, സാമൂഹ്യ ശാസ്ത്ര, പ്രവർത്തിപരിചയ, ഐടി മേളയിൽ 13 സബ്ജില്ലകളിൽ നിന്നായി 4500 ഓളം കുട്ടികൾ പങ്കെടുക്കും. സെന്റ്.മേരിസ് ഗേൾസ് ഹൈസ്കൂൾ,സെന്റ് അലോഷ്യസ് എൽ പി സ്കൂൾ, സെന്റ്.മേരിസ് എൽപി സ്കൂൾ എന്നീ സ്കൂളുകളും മത്സരങ്ങൾക്ക് വേദിയാകും.
പതിനൊന്നാം തീയതി ബുധനാഴ്ച വൈകുന്നേരം 3 .30ന് നടക്കുന്ന സമാപന സമ്മേളനത്തിൽ ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് അധ്യക്ഷത വഹിക്കും. കെ.ബിനി മോൻ എം.എൽ.എ സമ്മേളനം ഉദ്ഘാടനം ചെയ്യും. വിജയികൾക്കുള്ള സമ്മാനം ഏറ്റുമാനൂർ ബ്ലോക്ക് പഞ്ചായത്ത് പ്രസിഡന്റ് ജയ്മോൻ കരീമഠം വിതരണം ചെയ്യും. വിദ്യാഭ്യാസ ഉപഡയറക്ടർ ഹണി ജി. അലക്സാണ്ടർ സ്വാഗതവും സയൻസ് ക്ലബ് സെക്രട്ടറി രമേശ് സി.എസ് നന്ദിയും അർപ്പിച്ച് സംസാരിക്കും.
ജില്ലാ,ബ്ലോക്ക്, ഗ്രാമ പഞ്ചായത്ത് ജനപ്രതിനിധികൾ, വിദ്യാഭ്യാസവകുപ്പ് ഉദ്യോഗസ്ഥർ, വിവിധ ക്ലബ് സെക്രട്ടറിമാർ എന്നിവർ ആശംസയർപ്പിക്കും. ജനപ്രതിനിധികൾ ചെയർമാൻമാരും വിവിധ അധ്യാപക സംഘടനാ പ്രതിനിധികൾ കൺവീനർമാരും ആയി കമ്മിറ്റികളും പ്രവർത്തിക്കുന്നു.
പബ്ലിസിറ്റി കമ്മിറ്റി ചെയർമാനും ജില്ലാ പഞ്ചായത്തംഗവുമായ . ജിം അലക്സ്, കൺവീനർ ജോബി വർഗീസ് കുളത്തറ, രാജേഷ് മാത്യു തുടങ്ങിയവർ പത്രസമ്മേളനത്തിൽ
പരിപാടികൾ വിശദീകരിച്ചു.
