കോട്ടയം: കോട്ടയം സെൻട്രൽ സഹോദയ കോൺക്ലാവ് യൂത്ത് ഫെസ്റ്റിവൽ ഭാവസുധ 2026 ൻ്റെ ഭാഗമായി ഗിരിദീപം ബെഥനി സെൻട്രൽ സ്കൂളിൽ നടന്ന കാറ്റഗറി 4 മാപ്പിളപ്പാട്ട് മത്സരത്തിൽ ഒന്നാം സ്ഥാനവും എ ഗ്രേഡ് , അറബിക് പദ്യ പാരായണത്തിൽ ഒന്നാം സ്ഥാനവും എ ഗ്രേഡ്, ശാസ്ത്രീയ സംഗീതത്തിൽ 2സ്ഥാനവും എ ഗ്രേഡ്, മലയാളം കവിതാരചനയിൽ എ ഗ്രേഡ് നേടി ഇവാന മറിയം ഈപ്പൻ.
മൂലവട്ടം കുളത്തുംപറമ്പിൽ ഈപ്പൻ തോമസിൻ്റെയും ജിഷ തോമസിൻ്റെയും മകളാണ്. മൂലവട്ടം അശ്വതി സംഗീത വിദ്യാലയത്തിൽ സിസി വിനോദിൻ്റെ ശിഷ്യയായ ഇവാന ശാസ്ത്രീയ സംഗീതം അഭ്യസിച്ചുവരുന്നു.
ഇല്ലിക്കൽ എക്സെൽഷർ സ്കൂൾ പ്ലസ് വൺ ക്ലാസ് വിദ്യാർഥിനിയായ ഇവാന 3വയസ്സുമുതൽ ശാസ്ത്രീയ സംഗീത പഠനം നടത്തിവരുന്നു.
കോട്ടയം സഹോദയ യൂത്ത് ഫെസ്റ്റിവലിനും ,സ്റ്റേറ്റ് യൂത്ത് ഫെസ്റ്റിവലിനും എല്ലാവർഷവുംനേട്ടങ്ങൾ സ്വന്തമാക്കിയിട്ടുയുള്ള ഇവാനയുടെ ഈ വിജയം സ്‌കൂളിനും കുടുംബത്തിനും ഗുരുവിനും അഭിമാനമായി.
