കൊച്ചി: അപകീർത്തികരമായ പോസ്റ്റുകള്‍ നീക്കം ചെയ്യണമെന്നാവശ്യപ്പെട്ട് നടി മഞ്ജു വാര്യർ നല്‍കിയ പരാതിയില്‍ സംവിധായകൻ സനല്‍കുമാർ ശശിധരനും ഓണ്‍ലൈൻ മാദ്ധ്യമപ്രവർത്തകൻ സാജൻ സ്‌കറിയയും ഇന്ന് കോടതിക്ക് മുൻപില്‍ വിശദീകരണം നല്‍കും.
എറണാകുളം സെഷൻസ് കോടതിയാണ് മാനനഷ്‌ടക്കേസില്‍ മഞ്ജുവാരിയർ നല്‍കിയ ഉപഹർജിയില്‍ വിശദീകരണം കേള്‍ക്കുക. വരുന്ന അഞ്ചാം തീയതിയാണ് മാനനഷ്‌ടക്കേസ് കോടതി പരിഗണിക്കുന്നത്.
സമൂഹമാദ്ധ്യമങ്ങളിലൂടെ തനിക്കെതിരെ പ്രചരിപ്പിച്ച പോസ്റ്റുകള്‍ നീക്കം ചെയ്യണമെന്നാവശ്യപ്പെട്ടാണ് മഞ്ജു വാര്യർ ഉപഹർജി നല്‍കിയിരിക്കുന്നത്. കഴിഞ്ഞ 19-ാം തീയതിയാണ് മഞ്ജു വാര്യർ ഉപഹർജിയുമായി കോടതിയെ സമീപിച്ചത്. ഇനിമേല്‍ ഇത്തരത്തിലുള്ള പോസ്റ്റുകള്‍ സോഷ്യല്‍ മീഡിയയില്‍ പങ്കുവയ്‌ക്കരുതെന്ന് അന്നുതന്നെ ഓണ്‍ലൈൻ മാദ്ധ്യമപ്രവർത്തകനായ സാജൻ സ്‌കറിയയ്ക്കും സനല്‍കുമാർ ശശിധരനും കോടതി നിർദേശം നല്‍കിയിരുന്നു. നിലവിലുള്ള പോസ്റ്റുകളില്‍ ഇന്ന് വിശദീകരണം നല്‍കണമെന്നാണ് കോടതി ആവശ്യപ്പെട്ടത്.
