മലപ്പുറം: വണ്ടൂരില് ഭര്ത്താവ് ഭാര്യയെ കുത്തിക്കൊലപ്പെടുത്തി. കാപ്പില് പാറശേരി കുന്നുമ്മല് ഫസീല(38)യാണ് കൊല്ലപ്പെട്ടത്. ഉടനെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
ഉച്ചഭക്ഷണത്തിനുള്ള കറിയുടെ പേരിലുണ്ടായ തര്ക്കത്തെ തുടര്ന്ന് ഭര്ത്താവ് റഷീദ് ഫസീലയെ കത്തികൊണ്ട് കുത്തുകയായിരുന്നു.
ഫസീലയുടെ നെഞ്ചിന് താഴെയാണ് കുത്തേറ്റത്. സംഭവത്തില് റഷീദിനെ വണ്ടൂര് പൊലീസ് കസ്റ്റഡിയിലെടുത്തു. ഇയാള് മദ്യപിച്ചെത്തി നിരന്തരം ഭാര്യയുമായി പ്രശ്നങ്ങളുണ്ടാക്കിയിരുന്നതായി നാട്ടുകാര് പറഞ്ഞു.
