വാഴൂർ : പത്ത് വർഷംമുൻപ് നിലച്ചുപോയ പുളിക്കൽകവലയിൽ പോലീസ് എയ്ഡ് പോസ്റ്റിന് പുനർജീവൻ.
ദേശീയപാതയിൽ പുളിക്കൽകവലയിൽ പോലീസ് എയ്ഡ് പോസ്റ്റ് പ്രവർത്തനമാരംഭിച്ചു.
പഞ്ചായത്ത് കെട്ടിടത്തിൽ കൃഷിഭവനോടുചേർന്ന് വീണ്ടും പ്രവർത്തനമാരംഭിച്ചത്. പള്ളിക്കത്തോട് പോലീസിനാണ് എയ്ഡ്പോസ്റ്റിന്റെ ചുമതല.
എല്ലാ ദിവസവും ഇവിടെ പോലീസിന്റെ സേവനം ഉണ്ടായിരിക്കും. സാമൂഹിക വിരുദ്ധശല്യവും ലഹരിസംഘങ്ങളുടെ അഴിഞ്ഞാട്ടവും മേഖലയിൽ ശക്തമായതോടെയും,
പഞ്ചായത്തിൽ ജനസാന്ദ്രത കൂടിയതോടെയുമാണ് ഇവിടെ എയ്ഡ് പോസ്റ്റ് പുനരാരംഭിക്കണമെന്ന ആവശ്യം ശക്തമായത്.
വിഷയം ആഭ്യന്തരവകുപ്പുമന്ത്രിയുടെ ശ്രദ്ധയിൽപ്പെടുത്തിയതോടെയാണ് എയ്ഡ് പോസ്റ്റ് പുനരാരംഭിക്കാൻ നടപടി സ്വീകരിച്ചത്.
റോണി കെ.ബേബി എം.എൽ.എ. എയ്ഡ് പോസ്റ്റ് ഉദ്ഘാടനംചെയ്തു. ജില്ലാ പഞ്ചായത്തംഗം അഭിലാഷ് ചന്ദ്രൻ, പഞ്ചായത്തംഗം സൂസൻ കോശി, കാഞ്ഞിരപ്പള്ളി ഡിവൈ.എസ്.പി. വിശാൽ ജോൺസൺ, പള്ളിക്കത്തോട് എസ്.എച്ച്.ഒ. പി.എസ്. രാജേഷ് തുടങ്ങിയവർ പ്രസംഗിച്ചു.
