കുറിച്ചി : എസ്.എൻ.ഡി.പി യോഗം 1265-ാം നമ്പർ കുറിച്ചി ശാഖയിലെ ശങ്കരപുരം ശ്രീമഹാദേവ ക്ഷേത്രത്തിൽ ഭാഗവത സപ്താഹ യജ്ഞം ആരംഭിച്ചു.
യജ്ഞ വിളംബര ഘോഷയാത്രയ്ക്ക് ശേഷം നടന്ന സമ്മേളനം ചങ്ങനാശേരി യൂണിയൻ സെക്രട്ടറി സുരേഷ് പരമേശ്വരൻ ഉദ്ഘാടനം ചെയ്തു. ശാഖാ പ്രസിഡന്റ് കെ.എൻ ജയപ്രകാശ് കുളത്തുങ്കൽ അദ്ധ്യക്ഷത വഹിച്ചു. യൂണിയൻ വൈസ് പ്രസിഡന്റ് പി.എം ചന്ദ്രൻ മുഖ്യപ്രഭാഷണം നടത്തി.
യജ്ഞാചാര്യൻ തിരുവെങ്കിടപുരം ഹരികുമാർ യജ്ഞസന്ദേശം നൽകി. പള്ളം ബ്ലോക്ക് പഞ്ചായത്ത് പ്രസിഡന്റ് ലതാകുമാരി സലിമോൻ, കുറിച്ചി ഗ്രാമപഞ്ചായത്ത് പ്രസിഡന്റ് എം.എൻ മുരളീധരൻ നായർ, യൂണിയൻ കമ്മിറ്റിയംഗം പ്രശാന്ത് മനന്താനം,
ദേവസ്വം മാനേജർ ഇന്ദുചൂഡൻ ഓണംകുറ്റിയിൽ എന്നിവർ ആശംസ പറഞ്ഞു. ശാഖാ സെക്രട്ടറി കെ.കെ സന്തോഷ് കല്ലിങ്കൽ സ്വാഗതവും, വൈസ് പ്രസിഡന്റ് ബിജു ശ്രീവാണി നന്ദിയും പറഞ്ഞു.
ഇന്ന് രാവിലെ 6ന് ഗണപതിഹോമം, ലളിത സഹസ്രനാമം, 6.30 ന് യജ്ഞശാലയിൽ ഭദ്രദീപ പ്രതിഷ്ഠ ക്ഷേത്ര മേൽശാന്തി ശ്രീകാന്ത് ശിവകർ നിർവഹിക്കും.
തുടർന്ന് ആചാര്യ വരണം, ഭാഗവത ഗ്രന്ഥപൂജ, ഭാഗവത പാരായണ സമാരംഭം, പാരായണ ഭാഗങ്ങൾ പരീക്ഷത്തിന്റെ ജനനം, വരാഹ അവതാരം, ദക്ഷ യാഗം, ഉച്ചയ്ക്ക് 12 മുതൽ ഭാഗവത പ്രഭാഷണം, പ്രസാദമൂട്ട്, വൈകിട്ട് 6 ന് വിഷ്ണു സഹസ്രനാമം, വൈകിട്ട് 7 ന് യജ്ഞശാലയിൽ നാമസങ്കീർത്തനം, മംഗളാരതി, ഭാഗവത പ്രഭാഷണം.
