കുമരകം: വായനയിലേക്ക് ആളുകളെ ആകർഷിക്കുക എന്ന ലക്ഷ്യത്തോടെ വീടുകളിൽ പുസ്തകങ്ങൾ എത്തിച്ചു നൽകുന്ന ലക്ഷ്യത്തോടെ കോട്ടയം താലൂക്ക് ലൈബ്രറി കൗൺസിൽ നടപ്പാക്കുന്ന വായനാ വസന്തം പരിപാടി എസ് എൻ എം ലൈബ്രറിയിൽ ഉദ്ഘാടനം നടത്തി. ലൈബ്രറി വൈസ് പ്രസിഡന്റ് കെ. എസ്. സജീവിന്റെ അദ്ധ്യക്ഷതയിൽ ചേർന്ന യോഗത്തിൽ എസ് എൻ ഡി പി ശാഖ നമ്പർ - 38 പ്രസിഡന്റ് എം. ജെ. അജയൻ ഓമന പ്രസേനന് പുസ്തകങ്ങൾ നൽകി ഉദ്ഘാടനം നിർവഹിച്ചു.എം. വി. സബാൻ, കെ. എസ്. ദീപകുമാർ എന്നിവർ ആശംസകൾ നേർന്നു. ചടങ്ങിന് ലൈബ്രറി സെക്രട്ടറി സി. ജി. ബൈജു സ്വാഗതവും , എം. എം. സുഭാഷ് നന്ദിയും പറഞ്ഞു.
വരും ദിവസങ്ങളിൽ കൂടുതൽ വീടുകളിലേക്ക് പുസ്തകങ്ങൾ എത്തിക്കുമെന്ന് ലൈബ്രറി ഭാരവാഹികൾ അറിയിച്ചു.
