കുട്ടനാട്‌: 2026-27 ഒന്നാം വിളയുടെ നെല്ല്‌ സംഭരണ രജിസ്‌ട്രേഷന്‍ സെപ്‌റ്റംബര്‍ 30ന്‌ അവസാനിച്ചിട്ടും സര്‍ക്കാര്‍ സംഭരണ നയം പ്രഖ്യാപിക്കാത്തതില്‍ കര്‍ഷകര്‍ ആശങ്കയില്‍.
യു.ഡി.എഫ്‌ പ്രകടനപത്രികയിലെ വാഗ്‌ദാനപ്രകാരം റിവോള്‍വിങ്‌ ഫണ്ട്‌ രൂപീകരിച്ച്‌ സംഭരണവില കിലോയ്‌ക്ക് 35 രൂപയായി ഉയര്‍ത്തണമെന്ന്‌ വോയിസ്‌ ഫോര്‍ ഗ്രേറ്റര്‍ കുട്ടനാട്‌ അഡ്‌മിന്‍ സോണിച്ചന്‍ പുളിങ്കുന്ന്‌ ആവശ്യപ്പെട്ടു.
2025-26 വര്‍ഷത്തെ സംഭരിച്ച നെല്ലിന്റെ വിലയില്‍ ഏകദേശം 39 കോടി രൂപ ഇനിയും കര്‍ഷകര്‍ക്ക്‌ ലഭിക്കാനുണ്ട്‌. ഇതില്‍ ഭൂരിഭാഗവും 70 വയസിന്‌ മുകളിലുള്ള വരാണെന്നും അദ്ദേഹം പറഞ്ഞു.
കേന്ദ്രം താങ്ങുവില 24.41 രൂപയായി ഉയര്‍ത്തിയ സാഹചര്യത്തില്‍ സംസ്‌ഥാന സര്‍ക്കാര്‍ അടിയന്തരമായി സംഭരണ നയം പ്രഖ്യാപി ക്കണമെന്നും കുടിശിക തീര്‍ത്ത്‌ റിവോള്‍വിങ്‌ ഫണ്ട്‌ രൂപീകരിക്കണമെന്നും അദ്ദേഹം ആവശ്യപ്പെട്ടു.
വോയിസ്‌ ഫോര്‍ ഗ്രേറ്റര്‍ കുട്ടനാടിന്റെ നെല്‍ക്കൃഷി അവലോ കനയോഗം ഉദ്‌ഘാടനം ചെയ്യുകയായിരുന്നു സോണിച്ചന്‍ പുളിങ്കുന്ന്‌. അഡ്‌മിന്‍ ചാക്കപ്പന്‍ ആന്റണി അധ്യക്ഷത വഹിച്ചു.
പി. ശിവന്‍കുട്ടി കറുകകോണില്‍, സുഭാഷ്‌ കുമാര്‍ നീലംപേരില്‍, റാഫി ജോസ്‌ മോഴൂര്‍ നാലുവപറയില്‍, കറിയാച്ചന്‍ ചെങ്ങക്കര, സുനു പി. ജോര്‍ജ്‌ കോട്ടയം, സുഭാഷ്‌ കുമാര്‍ കാഞ്ഞിരം, എബി അലക്‌സാണ്ടര്‍, വിശ്വനാഥപിള്ള ഹരിപ്പാട്‌, ഷാജി പണിക്കര്‍ പറമ്പില്‍, ഷിബു ജോബ്‌ കാഞ്ഞിര ത്തുമൂട്ടില്‍, സാലി മുഹമ്മദ്‌ തകഴി, ഷാജി തോമസ്‌ വടക്കേ ഇടപ്പള്ളി എന്നിവര്‍ പ്രസംഗിച്ചു.
