കുമരകം :നേച്ചർ ക്ലബ്ബിൻ്റെ 2025-26 വർഷത്തെ വാർഷിക സമ്മേളനം കുമരകം ഗ്രാമപ്പഞ്ചായത്ത് സാംസ്കാരികനിലയത്തിൽ നടന്നു. ക്ലബ്ബ് പ്രസിഡൻ്റ് എബ്രഹാം കെ.ഫിലിപ്പ് അദ്ധ്യക്ഷതവഹിച്ച യോഗം ഉത്ഘാടനം ചെയ്തു കൊണ്ട് മഹാത്മ ഗാന്ധി സർവകലാശാല മുൻ വൈസ് ചാൻസലർ ഡോ. സി.ടി അരവിന്ദ കുമാർ സംസാരിച്ചു. പരിസ്ഥിതി മാനവരാശിയുടെ പ്രധാന അജണ്ടയാവണമെന്നും പരിസ്ഥിതിയുടെ സംരക്ഷണം ഓരോ പൗരൻ്റെയും ഉത്തരവാദിത്തം ആകണമെന്നും അദ്ദേഹം അഭിപ്രായപ്പെട്ടു. കേരളത്തിലെ എല്ലാ പ്രദേശങ്ങളും മനുഷ്യവാസത്തിനു പര്യാപ്തമല്ല. മനുഷ്യവാസത്തിനു ഉതകാത്ത സ്ഥലങ്ങൾ അതീവ ജൈവ വൈവിധ്യ പ്രാധാന്യമുള്ളതാണെന്ന സത്യം തിരിച്ചറിഞ്ഞ് അവിടേക്കു കടന്നുകയറുന്നതിനു പകരം പരിസ്ഥിതിക്കനുസരിച്ച് ജീവിക്കാൻ നാം ശീലിക്കണം. പരിസ്ഥിതി സംരക്ഷണ ശീലം ചെറിയ ക്ലാസ്സു മുതൽ കുട്ടികളിൽ വേരു പിടിപ്പിക്കണം. ഇക്കാര്യത്തിൽ നമുക്ക് ജപ്പാൻകാരെ മാതൃകയാക്കാം. പൊതു ഇടങ്ങളിലെല്ലാം ബിന്നുകൾ നിറച്ചു വയ്ക്കുന്നതിനു പകരം പൊതു ഇടങ്ങളിലേക്കു മാലിന്യം എത്താത്ത രീതിശാസ്ത്രം നാം സ്വായത്തമാക്കണമെന്ന് അദ്ദേഹം ഊന്നി പറഞ്ഞു. യോഗത്തിന് ആശംസകൾ അർപ്പിച്ചു കൊണ്ട് കുമരകം ഗ്രാമപ്പഞ്ചായത്ത് പ്രസിഡൻ്റ് എ.പി. ഗോപി, പഞ്ചായത്ത് വൈസ് പ്രസിഡണ്ട് രമ്യ ഷിജോ , ഏറ്റുമാനൂർ ബ്ലോക്ക് പഞ്ചായത്ത് സ്റ്റാൻ്റിംഗ് കമ്മറ്റി ചെയർമാൻ അഡ്വ. അലൻ കുര്യാക്കോസ്, പഞ്ചായത്തു മെംബർ കെ.ജി. ബിനു മുൻ പഞ്ചായത്തു പ്രസിഡൻ്റ് എ.പി. സലിമോൻ, വി.ജി,ശിവദാസ് കലാക്ഷേത്രം, ക്രിസ്പിൻ കൊടിയന്തറ, ജോസഫ് കാപ്പിൽ, ദേശാഭിമാനി സബ് എഡിറ്റർ സിബി ജോർജ്, ചന്ദ്രികാദേവി, അലക്സ് ഇല്ലിച്ചുവട്ടിൽ എന്നിവർ സംസാരിച്ചു. കെ.കെ.ലതികമ്മയും, അമ്മാൾ സാജുലാലും ചേർന്ന് അവതരിപ്പിച്ച പരിസ്ഥിതി ഗാനത്തോടെയാണു യോഗം ആരംഭിച്ചത്. സെക്രട്ടറി ടി.യു. സുരേന്ദ്രൻ പ്രവർത്തന റിപ്പോർട്ടും, ട്രഷറാർ വി.കെ.കനകാംഗി വരവു ചെലവു കണക്കും അവതരിപ്പിച്ചു. വിശദമായ ചർച്ചകൾക്കു ശേഷം വരവുചെലവുകണക്കും പ്രവർത്തനറിപ്പോർട്ടും യോഗം ഏകകണ്ഠമായി അംഗീകരിച്ചു. കുമരകം പഞ്ചായത്തിനെ പരിസ്ഥിതി സൗഹൃദമായി നിലനിർത്താൻ അടിയന്തിരമായ ഇടപെടലുകൾ നടത്തണമെന്നും, നീരൊഴുക്കു ഭൂപടം അടിസ്ഥാനമാക്കി വിപുലമായ ഡ്രെയിനേജ് ശൃംഖലകൾ നിർമ്മിക്കണമെന്നും, തോടുകളുടെ അതിരുകൾ കൃത്യമായി അടയാളപ്പെടുത്തി കയ്യേറ്റങ്ങൾ ഒഴിപ്പിച്ച് ആഴം കൂട്ടി എന്നും തെളിനീരൊഴുകുന്ന സംവിധാനം തുടരുന്നതിനാവശ്യമായ കാര്യങ്ങൾ ചെയ്യണമെന്നും, തെരുവുനായ പ്രശ്നം ശാശ്വതമായി പരിഹരിക്കുന്നതിന് ഹൈക്കോടതിമാന ദണ്ഡങ്ങൾ അനുസരിച്ചുള്ള സംവിധാനം ഒരുക്കണമെന്നും, ചന്തക്കവലയിലെ ഗതാഗതക്കുരുക്ക് ഒഴിവാക്കുന്നതിനുള്ള അടിയന്തിര ഇടപെടലുകൾ നടത്തണമെന്നും ആവശ്യപ്പെടുന്ന പ്രമേയങ്ങൾ വൈസ് പ്രസിഡൻ്റ് പി.എസ്സ് രഘു അവതരിപ്പിച്ചു.യോഗം ഏകകണ്ഠമായി പ്രമേയങ്ങൾ അംഗീകരിച്ചു.
അടുത്ത വർഷത്തേക്കുള്ള പ്രവർത്തനപരിപാടി ജോയിൻ്റ് സെക്രട്ടറി ലെജു സി.ജെ അവതരിപ്പിച്ചു.
പുതിയ ഭാരവാഹികളായി താഴെപ്പറയുന്നവരെ തെരഞ്ഞെടുത്തു.
ടി. യു. സുരേന്ദ്രൻ ( പ്രസിഡൻ്റ്) പി.എസ്സ് , രഘു, സുമം ജോസഫ്, അലക്സ് ഇല്ലിച്ചുവട്ടിൽ (വൈസ് പ്രസിഡൻ്റുമാർ ) ,
ലെജു സി.ജെ(സെക്രട്ടറി), സലിമോൻ എ.പി, അനീഷ് കുമാർ വി.പി. ഷിബി കുഞ്ഞുമോൻ കരീത്തറ (ജോയിൻറ് സെക്രട്ടറിമാർ) കനകാംഗി വി.കെ(ട്രഷറാർ),സജ്ജയൻ കെ.ആർ, ബിനു.കെ.ജി. ക്രിസ്പിൻ കൊടിയന്തറ , അഭിലാഷ് പി.എ , മുകേഷ് ഫിലിപ്പ്, പ്രസന്ന. ഇ. ആർ, അന്നമ്മ ചെറിയാൻ, ജോബു വിശാഖംതറ, പ്രഭ മനോജ്, ജേക്കബ്ബ് സി കുന്നുമാലയം, വി.ജി. ശിവദാസ്, കെ.കെ ലതികമ്മ , കെ.കെ സുനിൽകുമാർ, സുനിൽകുമാർ എസ്സ്, കാഞ്ചന ബാബു, രമാഭായ് എം.എസ്സ്, സനീഷ് വി.ടി അംഗങ്ങളായുമുള്ള എക്സിക്യൂട്ടീവ് കമ്മറ്റിയേയും തെരഞ്ഞെടുത്തു.
അഡ്വ. സലിം എം ദാസ് (ചെയർമാൻ) എബ്രഹാം കെ.ഫിലിപ്പ് (കണവീനർ)ജയൻ.സി.പി, അഡ്വ.അംഗിരസ്, അഡ്വ. പി.എൻ ശ്രീദേവി, അഡ്വ.അലൻ കുര്യാക്കോസ്, ഡോ. മാഗി ജോൺ, അഡ്വ. വിഷ്ണു മണി, ഡോ. ജോൺ സി. മാത്യു, സിനി ജോർജ്, ബൈജു പി.പി.അംഗങ്ങളായുള്ള ഉപദേശക സമിതിയും, മധു.ഡി, അമ്മാൾ സാജുലാൽ എന്നിവരെ ഓഡിറ്റർമാരായും പൊതുയോഗം തെരഞ്ഞെടുത്തു. യോഗത്തിനു പി.എസ്സ് രഘു സ്വാഗതവും, നിയുക്ത സെക്രട്ടറി ലെജു സി.ജെ, നന്ദിയും രേഖപ്പെടുത്തി
