കോഴിക്കോട്: കോഴിക്കോട് കെ.എസ്.ആർ.ടി.സി യൂണിറ്റില് ഡ്രൈവർമാരുടെ താല്ക്കാലിക ഒഴിവുകളിലേക്ക് നിയമനം നടത്തുന്നു.
എസ്.എസ്.എല്.സി യോഗ്യതയുള്ള ഉദ്യോഗാർഥികള്ക്ക് അപേക്ഷിക്കാം. ആവശ്യമായ യോഗ്യതകളും അസ്സല് സർട്ടിഫിക്കറ്റുകളും സഹിതം ഒക്ടോബർ 3ന് മുമ്പ് ബന്ധപ്പെട്ട എംപ്ലോയ്മെന്റ് എക്സ്ചേഞ്ചില് ഹാജരായി പേര് രജിസ്റ്റർ ചെയ്യണം.
ഹെവി ഡ്യൂട്ടി വാഹനങ്ങള് ഓടിക്കുന്നതിന് അംഗീകാരമുള്ള സാധുവായ മോട്ടോർ ഡ്രൈവിംഗ് ലൈസൻസ് ഉദ്യോഗാർഥികള്ക്ക് ഉണ്ടായിരിക്കണം. ഡ്രൈവിംഗ് ലൈസൻസ് ലഭിച്ചിട്ട് ഏഴ് വർഷം പൂർത്തിയായിരിക്കണം. ഇതില് മൂന്ന് വർഷം ഹെവി ഡ്യൂട്ടി ലൈസൻസ് എടുത്തതിന് ശേഷമുള്ള കാലയളവായിരിക്കണമെന്നും നിബന്ധനയുണ്ട്.
നിയമപ്രകാരമുള്ള മോട്ടോർ വെഹിക്കിള് ലൈസൻസും ആവശ്യമാണ്. 30ല് അധികം സീറ്റുകളുള്ള ഹെവി പാസഞ്ചർ വാഹനങ്ങളില് അഞ്ച് വർഷത്തെ പ്രവൃത്തിപരിചയവും ഉദ്യോഗാർഥികള്ക്ക് ഉണ്ടായിരിക്കണം.
ശാരീരിക യോഗ്യതകളിലും നിബന്ധനകളുണ്ട്. വ്യക്തമായ ദൂരക്കാഴ്ച ഉണ്ടായിരിക്കണം. ഉദ്യോഗാർഥികളുടെ ഉയരം 158 സെന്റിമീറ്ററും നെഞ്ചളവ് 76 സെന്റിമീറ്ററും ആയിരിക്കണം. പ്രായപരിധി 25നും 50നും മധ്യേയാണ്.
താല്ക്കാലിക ഡ്രൈവർ ഒഴിവുകളിലേക്ക് പരിഗണിക്കപ്പെടുന്നതിനായി താല്പര്യമുള്ള ഉദ്യോഗാർഥികള് നിർദേശിച്ച സമയപരിധിക്കുള്ളില് ബന്ധപ്പെട്ട എംപ്ലോയ്മെന്റ് എക്സ്ചേഞ്ചില് നേരിട്ട് ഹാജരായി പേര് രജിസ്റ്റർ ചെയ്യണം. രജിസ്ട്രേഷൻ സമയത്ത് യോഗ്യത തെളിയിക്കുന്ന അസ്സല് സർട്ടിഫിക്കറ്റുകള് സഹിതം ഹാജരാകേണ്ടതാണ്.
നിയമനവുമായി ബന്ധപ്പെട്ട കൂടുതല് വിവരങ്ങള് അറിയുന്നതിനും ആവശ്യമായ വിശദീകരണങ്ങള്ക്കുമായി 0495-2370179 എന്ന ഫോണ് നമ്പറില് ബന്ധപ്പെടാം.
