ബെംഗളൂരു : പൂജ, ദീപാവലി അവധിയോടനുബന്ധിച്ചു കേരള ആർടിസി ബെംഗളൂരു, മൈസൂരു എന്നിവിടങ്ങളിൽ നിന്നു കേരളത്തിന്റെ വിവിധ ഭാഗങ്ങളിലേക്കും തിരിച്ചും സ്പെഷ്യൽ സർവീസുകൾ നടത്തും. ഒക്ടോബർ 14 മുതൽ നവംബർ 14 വരെയാണു സ്പെഷ്യൽ സർവീസുകൾ ഉണ്ടാവുക.
ബെംഗളൂരുവിൽ നിന്ന് കോഴിക്കോട്, മലപ്പുറം, തൃശൂർ, നിലമ്പൂർ, പൊന്നാനി, എറണാകുളം, ചങ്ങനാശേരി, പാലാ, ആലപ്പുഴ, കൊല്ലം, പുനലൂർ, കൊട്ടാരക്കര, ചേർത്തല, ഹരിപ്പാട്, കോട്ടയം, അടൂർ, തിരുവനന്തപുരം, കണ്ണൂർ, പയ്യന്നൂർ, കാഞ്ഞങ്ങാട് എന്നിവിടങ്ങളിലേക്കും മൈസൂരുവിൽ നിന്നു കണ്ണൂരിലേക്കുമാണ് പ്രത്യേക സർവീസുകൾ.
ചില ബസുകൾ ഒന്നിടവിട്ട ദിവസങ്ങളിലാകും സർവീസ് നടത്തുകയെന്നും യാത്രക്കാരുടെ തിരക്കനുസരിച്ചു കൂടുതൽ സ്പെഷൽ സർവീസുകൾ നടത്തുമെന്നും അധികൃതർ അറിയിച്ചു.
