കോഴിക്കോട്: ലഹരിമരുന്ന് നൽകി പെൺകുട്ടിയെ പീഡിപ്പിച്ച കേസിൽ ഒളിവിൽ കഴിഞ്ഞിരുന്ന പ്രതിയെ പൊലീസ് സാഹസികമായി പിടികൂടി. ബാലുശ്ശേരി ഉണ്ണികുളം സ്വദേശി കിരണിനെയാണ് എലത്തൂർ പൊലീസ് വലയിലാക്കിയത്. പുള്ളാവൂരിലെ ലോഡ്ജ് വളഞ്ഞാണ് പ്രതിയെ പൊലീസ് സംഘം കുടുക്കിയത്.
കസ്റ്റഡിയിലെടുക്കുമ്പോൾ ലോഡ്ജ് മുറിയിൽ പ്രതിയോടൊപ്പം പ്രായപൂർത്തിയാകാത്ത മറ്റൊരു പെൺകുട്ടിയും ഉണ്ടായിരുന്നു. ഈ കുട്ടിയെ പൊലീസ് സുരക്ഷിതകേന്ദ്രത്തിലേക്ക് മാറ്റിയിട്ടുണ്ട്.
പെൺകുട്ടികളെ മയക്കുമരുന്നിന് അടിമയാക്കി ലഹരി കച്ചവടത്തിനായി ഇയാൾ ഉപയോഗിച്ചിരുന്നതായി പൊലീസിന് വിവര ലഭിച്ചിട്ടുണ്ട്. സംഭവത്തിൽ വിശദമായ അന്വേഷണം ആരംഭിച്ചതായി പൊലീസ് അറിയിച്ചു.
