കോട്ടയം: കോട്ടയം നെഹ്റു സ്റ്റേഡിയം നവീകരിക്കാന്‍ നടപടി. 66 കോടി രൂപയുടെ നവീകരണ പദ്ധതികളിലേക്കാണ് കോട്ടയം നഗരസഭ കടക്കാനിരിക്കുന്നത്.
സ്‌റ്റേഡിയത്തോട് ചേര്‍ന്നുള്ള കടകളില്‍ നിന്ന് ഒഴിയാന്‍ വ്യാപാരികള്‍ക്ക് നഗരസഭ നോട്ടീസ് നല്‍കിത്തുടങ്ങി.
വര്‍ഷങ്ങളായി തകര്‍ന്നു കിടക്കുന്ന സ്റ്റേഡിയത്തിന്റെ ദുര്‍ഘടാവസ്ഥയും വികസന മുരടിപ്പും കൃത്യമായി മാധ്യമ വാർത്തകളിലൂടെ പുറത്തുകൊണ്ടുവന്നിരുന്നു. ഇതിന്റെ തുടര്‍ച്ചയെന്നോണമാണ്, നഗരസഭയുടെ നേതൃത്വത്തില്‍ 66 കോടി രൂപ ചെലവഴിച്ചുള്ള ബൃഹത്തായ നവീകരണ പദ്ധതി ഇപ്പോള്‍ പ്രഖ്യാപിച്ചിരിക്കുന്നത്.
