കോട്ടയം: ഹിരോഷിമദിനത്തിൽ ഐപ്സോ കോട്ടയം ജില്ലാ കമ്മറ്റിയുടെ നേതൃത്വത്തിൽ യുദ്ധവിരുദ്ധ സംഗമം നടത്തി. പശ്ചിമേഷ്യയിൽ ദിനംപ്രതി അമേരിക്കയും ഇസ്രായലും കൊന്നൊടുക്കുന്നത് നിരപരാധികളായ കുഞ്ഞുങ്കുട്ടികളെയാണന്നത് വലിയ ആശങ്കഉളവാക്കുന്നതാണ്.
യുദ്ധത്തിൻ്റെ ഭീകരത നമ്മുടെ നാട്ടിലും സ്വന്തം അടുക്കളയിൽവരെ എത്തിയ സാഹചര്യത്തിൽ വലിയ ജനകീയ യുദ്ധവിരുദ്ധ സംഗമങ്ങൾ ഉണ്ടാവണമെന്ന് സംഗമം ഉദ്ഘാടനം ചെയ്തുകൊണ്ട് ഐപ്സോ സംസ്ഥാന ജനറൽ സെക്രട്ടറി അഡ്വ.വി.ബി.ബിനു പറഞ്ഞു.
ജില്ലാ പ്രസിഡൻ്റ് ഡോ.എ. ജോസ് അദ്ധ്യക്ഷത വഹിച്ചു.സംസ്ഥാന സെക്രട്ടറി ബൈജു വയലത്ത്,ജില്ലാ സെക്രട്ടറി അഡ്വ.കെ.ആർ ശ്രീനിവാസൻ,ബി.അശോക്,
പി.കെ.ആനന്ദക്കുട്ടൻ അഡ്വ.ജിതേഷ് ജെ ബാബു പി. ആർ.ബേബി കെ ബാലചന്ദ്രൻ കെ.ഗോപാലകൃഷ്ണൻ അർജുനൻപിള്ള അഡ്വ.മുരളി തുടങ്ങിയവർ സംസാരിച്ചു
