കുമരകം : ശ്രീകുമരമംഗലം ക്ഷേത്രത്തിൽ തുലാമാസത്തിലെ വിശേഷാൽ ആയില്യപൂജ ഭക്തിനിർഭരമായ ചടങ്ങുകളോടെ ആചരിച്ചു. ക്ഷേത്ര ചടങ്ങുകൾക്ക് ബ്രഹ്മശ്രീ എരമല്ലൂർ ഉഷേന്ദ്രൻ തന്ത്രിയും മേൽശാന്തി ഷൈൻ ശാന്തിയും മുഖ്യകാർമികത്വം വഹിച്ചു.
ആയില്യം പൂജ, തളിച്ചുകൊട, നൂറുംപാലും, മഞ്ഞൾ അഭിഷേകം, പട്ടും മഞ്ഞളും സമർപ്പണം തുടങ്ങിയ വിശേഷാൽ ചടങ്ങുകൾ നടന്നു. ഇതിനോടനുബന്ധിച്ചുള്ള അന്നദാനം വഴിപാടായി സമർപ്പിച്ചത് കുമരകം കൊച്ചുകളത്തിൽ വീട്ടിൽ ശ്രീക്കുട്ടി എന്ന ഭക്തയായിരുന്നു.
ഭക്തജന പങ്കാളിത്തവും വഴിപാട് സമർപ്പണവും കൊണ്ട് ഇന്നത്തെ ചടങ്ങുകൾ ഭക്തിസാന്ദ്രമായിരുന്നുവെന്ന് ശ്രീകുമാരമംഗലം ദേവസ്വം പ്രസിഡന്റ് അഡ്വ. എംഎൻ പുഷ്കരനും സെക്രട്ടറി കെഡി സലിമോനും പറഞ്ഞു.
