തലയോലപ്പറമ്പ് : കോട്ടയം മീനാക്ഷി ലോട്ടറീസ് വിറ്റ ടിക്കറ്റ് വഴി തലയോലപ്പറമ്പിൽ 10 വർഷം ആയി ലോട്ടറി വില്പന നടത്തുന്ന ജയക്ക് 1 കോടിയുടെ ഭാഗ്യം. തലയോലപ്പറമ്പ് തെക്കേകാലാശ്ശേരിയിൽ ജയ എംടിയ്ക്കാണ് ഒന്നാം സമ്മാനം ലഭിച്ചത്.
10 വർഷം ആയി ലോട്ടറി വിൽക്കുന്ന ജയ വാടക വീട്ടിൽ ആണ് താമസം. ആദ്യമായാണ് ജയയെ തേടി ഒന്നാം സമ്മാനം എത്തുന്നത്. കോട്ടയം മീനാക്ഷി ലോട്ടറി ഏജൻസിയുടെ തലയോലപ്പറമ്പ് ഔട്ട്ലെറ്റ് 2027 നവംബർ 18 ബുധനാഴ്ച വില്പന നടത്തത്തിയ ധനലക്ഷ്മി ഭാഗ്യക്കുറിയുടെ DO359523 എന്ന നമ്പറിന് ആണ് ഒന്നാം സമ്മാനം നേടിയത്.
നിത്യ ചിലവിനുള്ള തുക കണ്ടെത്തുവാൻ ആണ് ജയ ലോട്ടറി വില്പന ആരംഭിച്ചത്. 5000 ആണ് ഇതിനു മുൻപ് ലഭിച്ച വലിയ സമ്മാന തുക. മീനാക്ഷി ലോട്ടറിയിൽ നിന്നും ആണ് ജയ ആദ്യം മുതൽ ലോട്ടറി വില്പന നടത്തുന്നത്.





