കോട്ടയം: ളോഹ മാറ്റി ജഴ്സി അണിഞ്ഞ് ഗ്രൗണ്ടിലിറങ്ങാൻ വൈദികര് ഒരുങ്ങി. പുരോഹിതരുടെ 16 ടീമുകൾ മാറ്റുരയ്ക്കുന്ന കത്തനാർ ക്രിക്കറ്റ് ലീഗ് നാളെ തുങ്ങും
പുതുപ്പള്ളി ബെത്ലഹേം അറീന ടർഫിലാണ് രണ്ടു ദിവസത്തെ മത്സരം. നാളെ രാവിലെ 7.30ന് കർദിനാൾ മാർ ജോർജ് ആലഞ്ചേരിയും വിനു ജോബ് എംഎൽഎയും ചേർന്ന് ഉദ്ഘാടനം നിർവഹിക്കും.
ആറ് ഓവർ വീതമുള്ള മത്സരങ്ങൾ രാവിലെ എട്ടിന് ആരംഭിക്കും. ഒരു ടീമിൽ 11 പേരുണ്ടാകും. സമാപനദിവസം സമ്മാനദാനം ചങ്ങനാശേരി ആർച്ച്ബിഷപ് മാർ തോമസ് തറയിൽ നിർവഹിക്കും. ചാണ്ടി ഉമ്മൻ എംഎൽഎ, കോട്ടയം ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് എന്നിവർ പങ്കെടുക്കും.
ക്രിക്കറ്റ് ടൂർണമെന്റ് എന്നതിലുപരി, വൈദിക പഠനകാലത്തെ പഴയ സെമിനാരി സുഹൃത്തുക്കൾക്ക് വീണ്ടും ഒരുമിച്ച് കൂടാനുള്ള ഒരു വലിയ അവസരം കൂടിയാണിത്.
വിവിധ സെമിനാരികളിൽ ഒന്നിച്ച് പഠിച്ചശേഷം രൂപതകളിലേക്ക് വൈദിക ശുശ്രൂഷയ്ക്കായി പിരിഞ്ഞുപോയ വൈദികർക്ക് ഒന്നിച്ചുചേരാനും സാഹോദര്യം പങ്കുവെക്കാനും ഇത് വഴിയൊരുക്കുന്നു.
ചങ്ങനാശ്ശേരി അതിരൂപതയിലെ വൈദികർ ചേർന്നാണ് ടൂർണമെന്റ് സംഘടിപ്പിച്ചിരിക്കുന്നത്. ടൂർണമെന്റിൽ മികച്ച പ്രകടനം കാഴ്ചവെച്ച് വിജയികളാകുന്ന ടീമിനെ അരലക്ഷം രൂപയും കെസിഎൽ ട്രോഫിയുമാണ് കാത്തിരിക്കുന്നത്.
