ചങ്ങനാശേരി: ശക്തമായ കാറ്റിലും മഴയിലും ചങ്ങനാശേരി കവിയൂർ റോഡിൽ ആരമല മറിയം ജുമാ മസ്ജിദിനു മുന്നിലെ കൂറ്റൻ മാവ് കടപുഴകി.
റോഡിലേക്ക് ചാഞ്ഞു തുടങ്ങിയ മരത്തിന്റെ ശിഖരത്തിന്റെ ഒരു ഭാഗം നാലുകോടി ഭാഗത്തേക്ക് പത്രക്കെട്ടുകൾ ഇറക്കാനായി പോയ അതിരമ്പുഴ ചാമക്കാലായിൽ സി.വി.പോളിന്റെ കാറിലേക്ക് ഇടിച്ചു വീണു.
കടപുഴകിയ മരം ലോറിയിൽ തട്ടിനിന്നതിനാൽ വൻ അപകടം ഒഴിവായി. എന്തോ കാറിനു മുകളിലേക്ക് വീഴുന്നതും പെട്ടെന്ന് എയർബാഗ് മുഖത്തേക്കടിച്ചതും മാത്രമാണ് ഓർമയുള്ളതെന്നും ലോറിയില്ലായിരുന്നെങ്കിൽ ജീവൻ തന്നെ നഷ്ടപ്പെടുമായിരുന്നു എന്നും സി.വി.പോൾ പറയുന്നു.
ലോറിയുടെ കാബിൻ തകർന്നെങ്കിലും ഇതിനുള്ളിൽ ഉറങ്ങുകയായിരുന്ന ഡ്രൈവർ പഞ്ചാബി സ്വദേശി അങ്ഗ്രജ് സിങ്ങും (50) പരുക്കുകളില്ലാതെ രക്ഷപ്പെട്ടു.
