പത്തനംതിട്ട: കോന്നി കൊക്കാത്തോട് കാട്ടാത്തി ഉന്നതിയിലെ ഊര് മൂപ്പൻ മോഹൻദാസിനെ (70) ഉള്ക്കാട്ടില് മരിച്ച നിലയില് കണ്ടെത്തി.
ജൂണ് അവസാന വാരത്തോടെ കാണാതായ ഇദ്ദേഹത്തിനായി വനംവകുപ്പും പൊലീസും നാട്ടുകാരും ചേർന്ന് തിരച്ചില് നടത്തി വരികയായിരുന്നു.
പാറയുടെ ചെരുവില് മരത്തില് കെട്ടിത്തൂങ്ങിയ നിലയിലാണ് മൃതദേഹം കണ്ടെത്തിയത്. വർഷങ്ങള്ക്കു മുൻപുള്ള കേസുമായി ബന്ധപ്പെട്ട് കോടതിയില് നിന്ന് സമൻസ് ലഭിച്ചതിനെ തുടർന്നുണ്ടായ കടുത്ത മനോവിഷമത്തിലാണ് മോഹൻദാസ് കാടുകയറിയതെന്ന് കുടുംബാംഗങ്ങള് വ്യക്തമാക്കിയിരുന്നു.
ഡ്രോണുകളും കെഡാവർ നായ്ക്കളും ഉപയോഗിച്ച് പ്രദേശത്ത് കുറച്ചു ദിവസങ്ങളായി നടത്തിവന്ന വ്യാപക പരിശോധനയിലാണ് മൃതദേഹം കണ്ടെത്തിയത്. ജീർണ്ണിച്ച നിലയിലാണ് മൃതദേഹം കണ്ടെത്തിയത്. ഇൻക്വസ്റ്റ് നടപടികള് പൂർത്തിയാക്കിയ ശേഷം മൃതദേഹം പോസ്റ്റ്മോർട്ടത്തിനായി മാറ്റി.
