കൊല്ലാട്: എസ് ഐ ആറിന്റെ പേര് പറഞ്ഞ് 13 കോടി ഇന്ത്യക്കാരുടെ വോട്ട് വെട്ടിമാറ്റിയ കേന്ദ്ര തെരഞ്ഞെടുപ്പ് കമ്മീഷൻ അധ്യക്ഷൻ ഗ്യാനേഷ് കുമാർ രാജിവെക്കണമെന്നാവശ്യപ്പെട്ട് കൊല്ലാട് കോൺഗ്രസ് മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധ പ്രകടനവും ധർണാസമരവും നടത്തി.
ജനാധിപത്യം പുനഃസ്ഥാപിക്കാൻ വേണ്ടി പോരാട്ടം നടത്തുന്ന രാഹുൽ ഗാന്ധിക്കും, ഡൽഹിയിലെ തെരുവോരങ്ങളിൽ ശക്തമായ സമരം നടത്തുന്ന പ്രതിപക്ഷ നേതാക്കൾക്കും പിന്തുണ അർപ്പിച്ചായിരുന്നു സമരം.
മണ്ഡലം പ്രസിഡണ്ട് ജയൻ ബി മഠം അധ്യക്ഷത വഹിച്ചു. മുൻ പഞ്ചായത്ത് പ്രസിഡണ്ട് ആനി മാമൻ സമരം ഉദ്ഘാടനം ചെയ്തു.
ബ്ലോക്ക് പഞ്ചായത്ത് അംഗങ്ങളായ മിനി ഇട്ടിക്കുഞ്ഞ്, ടി ടി ബിജു, തമ്പാൻ കുര്യൻ വർഗീസ്, ജേക്കബ് കെ കോര, ഉദയകുമാർ, വത്സല അപ്പുക്കുട്ടൻ, പി ജി അനിൽകുമാർ, ജയചന്ദ്രൻ, ലതീഷ്കുമാർ, സാബു എബ്രഹാം, സിന്ധു ബിജു, ഉണ്ണികൃഷ്ണൻ തുടങ്ങിയവർ സംസാരിച്ചു. രവീന്ദ്രൻ കാവുംപുറം, ജോൺസൺ സാർ എന്നീ നേതാക്കൾ സമരത്തിന് നേതൃത്വം നൽകി.
