കൊച്ചി: പൃഥ്വിരാജിനെ നായകനാക്കി വൈശാഖ് ഒരുക്കിയ ഖലീഫ ഒടിടി സ്ട്രീമിംഗ് ആരംഭിച്ചു.
ആമസോണ്‍ പ്രൈം വീഡിയോയിലൂടെ സിനിമാസ്വാദകർക്ക് സിനിമ കാണാനാവുന്നതാണ്. മലയാളത്തിന് പുറമെ തമിഴ്, കന്നഡ, തെലുങ്ക്, ഹിന്ദി തുടങ്ങിയ ഭാഷകളിലും ഖലീഫ കാണാനാകും.
ആഗോള തലത്തില്‍ 50 കോടി രൂപ നേട്ടം ചിത്രം സ്വന്തമാക്കിയിരുന്നു. നടൻ മോഹൻലാല്‍ ഖലീഫയില്‍ അതിഥി വേഷത്തില്‍ എത്തിയിട്ടുണ്ട്.
ജിനു ഇന്നോവേഷൻ്റെ ബാനറില്‍ ജിനു എബ്രഹാമും സൂരജ് കുമാറും ചേർന്നാണ് ചിത്രം നിർമ്മിച്ചിരിക്കുന്നത്. സഹനിർമ്മാതാവ് - സിജോ സെബാസ്റ്റ്യൻ, ശ്രീലാല്‍ ശൂലപാണി.
ആദ്യ ദിനം 14.5 കോടി രൂപ കലക്ഷൻ നേടി ഗംഭീര ഓപ്പണിംഗ് സ്വന്തമാക്കിയ ചിത്രം, മികച്ച പ്രേക്ഷക പ്രതികരണമാണ് നേടിക്കൊണ്ടിരിക്കുന്നത്. കേരളത്തില്‍ മികച്ച പ്രേക്ഷക പിന്തുണ നേടി നിറഞ്ഞ സദസ്സുകളിലാണ് ചിത്രം പ്രദർശിപ്പിക്കുന്നത്.
നായകനായ പൃഥ്വിരാജ് സുകുമാരൻ്റെ മികച്ച ആക്ഷൻ പ്രകടനമാണ് ചിത്രത്തിൻ്റെ ഹൈലൈറ്റ്. എല്ലാത്തരം പ്രേക്ഷകരെയും ചിത്രം രസിപ്പിക്കുന്നുണ്ട് എന്നാണ് റിപ്പോർട്ടുകള്‍ പറയുന്നത്.
