കോട്ടയം: കോട്ടയം മെഡിക്കല് കോളേജിൽ രോഗികളെ നിലത്തു കിടത്തുന്ന രീതി ഇനി ഉണ്ടാല്ലെന്ന് ആരോഗ്യ മന്ത്രി കെ. മുരളീധരന്. കോട്ടയം സിഎംഎസ് കോളജില് ‘കായകല്പ്പം’ ജനസമ്പര്ക്ക പരിപാടിയുടെ ഉദ്ഘാടനച്ചടങ്ങില് അധ്യക്ഷത വഹിച്ചു സംസാരിക്കുകയായിരുന്നു മന്ത്രി.
ജൂലൈ 30 മുതല് ഇവിടെ എല്ലാ രോഗികള്ക്കും കിടക്ക ഉറപ്പാക്കുമെന്ന് അദ്ദേഹം വ്യക്തമാക്കി. രോഗികളെ നിലത്തു കിടത്തുന്നത് ഒഴിവാക്കുന്ന സംസ്ഥാനത്തെ രണ്ടാമത്തെ മെഡിക്കല് കോളജായിരിക്കും കോട്ടയം. തിരുവനന്തപുരം മെഡിക്കല് കോളജില് ഇത് നേരത്തെ നടപ്പാക്കിയിരുന്നു.
ചികിത്സയും മരുന്നും കട്ടിലും കിടക്കയും ആശുപത്രിയില് എത്തുന്ന രോഗിയുടെ അവകാശമാണ്. രോഗികളെ നിലത്തു കിടത്തുന്ന പ്രാകൃതരീതി ഒഴിവാക്കുന്നതിന് സര്ക്കാര് ആശുപത്രികളില് സൗകര്യങ്ങള് വര്ധിപ്പിക്കേണ്ടതുണ്ട്. അതിന് സര്ക്കാര് നടപടി സ്വീകരിക്കും.
