മുംബൈ: ബോളിവുഡിലെ പ്രിയ താരദമ്പതികളാണ് കത്രീന കൈഫും വിക്കി കൗശലും.
2021 ഡിസംബർ ഒൻപതിനായിരുന്നു ഇരുവരുടെയും വിവാഹം. പിന്നാലെ 2025ല്‍ കത്രീന, വിഹാൻ എന്ന ആണ്‍കുഞ്ഞിന് ജന്മം നല്‍കി.
സോഷ്യല്‍ മീഡിയയിലൂടെ കത്രീനയും വിക്കിയും ഈ സന്തോഷ വാർത്ത പങ്കുവച്ചിരുന്നെങ്കിലും ഇതുവരെ മകന്റെ ചിത്രങ്ങള്‍ പുറത്തുവിട്ടിരുന്നില്ല. ഇപ്പോഴിതാ ദീപാവലി ദിനമായ ഇന്ന് വിഹാന്റെ ചിത്രം ആദ്യമായി ഇൻസ്റ്റഗ്രാമില്‍ പങ്കുവച്ചിരിക്കുകയാണ് കത്രീന കൈഫും വിക്കി കൗശലും.
ഇന്നലെയായിരുന്നു കുഞ്ഞു വിഹാന്റെ ഒന്നാം ജന്മദിനം. ജന്മദിനത്തിന്റെ തൊട്ടടുത്ത ദിവസമായ ഇന്ന് ദീപാവലി ആഘോഷങ്ങളോടനുബന്ധിച്ചാണ് ഈ ചിത്രം പങ്കുവച്ചിരിക്കുന്നത്.
'ഞങ്ങളുടെ ഇതുവരെയുള്ളതില്‍വച്ച്‌ ഏറ്റവും പ്രകാശപൂരിതമായ ദീപാവലി, ഏവർക്കും സ്നേഹവും വെളിച്ചവും സന്തോഷവും നേരുന്നു' എന്ന അടിക്കുറിപ്പോടെയാണ് വിഹാനൊപ്പമുള്ള ചിത്രം ഇരുവരും പങ്കുവച്ചത്.
പോസ്റ്റിന് താഴെ "ഓ മൈ ഗോഡ്" എന്ന കമന്റുമായി നടി അനന്യ പാണ്ഡെ ഉള്‍പ്പെടെ നിരവധി പ്രമുഖരാണ് എത്തിയത്.
