ആലപ്പുഴ: ആലപ്പുഴ ജില്ലയിലെ വിവിധ സർക്കാർ ആശുപത്രികളില്‍ താല്‍ക്കാലിക അടിസ്ഥാനത്തില്‍ ജോലി നേടാൻ അവസരം.
'ഇ-ഹെല്‍ത്ത് കേരള' പ്രോജക്ടിന്റെ ഭാഗമായി ട്രെയിനി സ്റ്റാഫ് തസ്തികയിലാണ് നിയമനം നടക്കുന്നത്. ആറ് മാസത്തേക്കാണ് കരാർ നിയമനം. 18 വയനും 35 വയസിനും ഇടയില്‍ പ്രായമുള്ള ഉദ്യോഗാർത്ഥികള്‍ക്ക് അപേക്ഷിക്കാം.യോഗ്യതകള്‍:കമ്പ്യൂട്ടർ സയൻസ്, ഇൻഫർമേഷൻ ടെക്നോളജി, ഇലക്‌ട്രിക്കല്‍ ആൻഡ് ഇലക്‌ട്രോണിക്സ് എൻജിനീയറിങ്, അല്ലെങ്കില്‍ ഇലക്‌ട്രോണിക്സ് ആൻഡ് കമ്മ്യൂണിക്കേഷൻ എൻജിനീയറിങ് എന്നിവയിലൊന്നിലുള്ള ഡിപ്ലോമ, ബി.ടെക്, എം.ടെക്, അല്ലെങ്കില്‍ എം.സി.എ.ഹാർഡ്‌വെയർ ആൻഡ് നെറ്റ്‌വർക്കിങ് അല്ലെങ്കില്‍ ഹോസ്‌പിറ്റല്‍ മാനേജ്‌മെന്റ് സോഫ്റ്റ്‌വെയർ എന്നിവയില്‍ ഒരു വർഷത്തെ പ്രവൃത്തിപരിചയം.തെരഞ്ഞെടുക്കപ്പെടുന്നവർക്ക് പ്രതിമാസം 10,000 രൂപ ശമ്പളമായി ലഭിക്കും. താല്‍പ്പര്യമുള്ള ഉദ്യോഗാർത്ഥികള്‍ ഒക്ടോബർ 19 വൈകിട്ട് 5 മണിക്ക് മുൻപ് ഓണ്‍ലൈനായി അപേക്ഷ സമർപ്പിക്കേണ്ടതാണ്.
ലഭിക്കുന്ന അപേക്ഷകളുടെ അടിസ്ഥാനത്തില്‍ തയ്യാറാക്കുന്ന ചുരുക്കപ്പട്ടികയിലുള്ള ഉദ്യോഗാർത്ഥികള്‍ക്ക് ജില്ലാ മെഡിക്കല്‍ ഓഫീസില്‍ വെച്ച്‌ അഭിമുഖം നടത്തിയായിരിക്കും അന്തിമ തെരഞ്ഞെടുപ്പ്.
