കോട്ടയം: ജലത്തെ ഓണാഘോഷത്തിനുള്ള വേദിയാക്കി മാറ്റിക്കൊണ്ട് ‘ഓണജലോത്സവം 2026’ നാളെ (29-8-2026)കാഞ്ഞിരം ജെട്ടിയിൽ നടക്കും. വൈകിട്ട് 3 മണിക്കാണു പരിപാടി.
പ്രളയബാധിതരായ തിരുവാർപ്പു പഞ്ചായത്തിലെ നൂറോളം കർഷകകുടുംബങ്ങളെ ചേർത്തുപിടിക്കുന്ന പരിപാടികളോടെയാണ് ഓണാഘോഷം നടക്കുന്നത്.
ലോകറെക്കോർഡ് സ്വന്തമാക്കിയ സ്പെഷ്യൽ കിഡ്സിന്റെ നീന്തൽപ്രദർശനം, ജലകായികവിനോദങ്ങൾ, വഞ്ചിപ്പാട്ട്, വിശിഷ്ട വ്യക്തികളെ ആദരിക്കൽ തുടങ്ങിയ പരിപാടികൾക്കൊപ്പം തെരഞ്ഞെടുക്കപ്പെട്ട നൂറോളം കുടുംബങ്ങൾക്ക് സഹായവിതരണവും നടക്കുന്നു.
1500 രൂപ മൂല്യമുള്ള ഉല്പന്നക്കിറ്റ്, വീട്ടുപകരണങ്ങൾ,വസ്ത്രങ്ങൾ എന്നിവയാണു വിതരണം ചെയ്യപ്പെടുന്ന വസ്തുക്കൾ.
ജലത്തെ ഓണാഘോഷത്തിനുള്ള വേദിയാക്കി മാറ്റിക്കൊണ്ട് ജീവൻരക്ഷാ സ്വിമ്മിംഗ് അക്കാദമിയും ജെ ബ്ലോക്ക് 9000 പാടശേഖരസമിതിയും ചേർന്നു സംഘടിപ്പിക്കുന്ന പരിപാടി സ്പീക്കർ തിരുവഞ്ചൂർ രാധാകൃഷ്ണൻ ഉദ്ഘാടനം ചെയ്യും. എം.എൽ എ നാട്ടകം സുരേഷ് മുഖ്യഭാഷണം നിർവ്വഹിക്കും.
ഓണജലോത്സവം 2026 ന്റെ ജനറൽ കൺവീനർ ഒ അരുൺ കുമാറിന്റെ അദ്ധ്യക്ഷതയിൽ ചേരുന്ന യോഗത്തിൽ സന്തോഷ് കുമാർ ( കോട്ടയം മുനിസിപ്പൽ ചെയർപ്പേഴ്സൻ), ജയാ സജിമോൻ (പ്രസിഡന്റ്, തിരുവാർപ്പ് ഗ്രാമപഞ്ചായത്ത്), അനീഷ് കുമാർ (മലരിക്കൽ വാർഡ് മെമ്പർ), സിജി ബിജു ( കാഞ്ഞിരം വാർഡ് മെമ്പർ), സുമേഷ്കാഞ്ഞിരം (മുൻ മെമ്പർ), ഡോ. കെ.എം വേണുഗോപാൽ (അസി.എഡിറ്റർ ഭാഷാപോഷിണി), സുൾഫിക്കർ (അസി.എഡിറ്റർ,മലയാളമനോരമ), അനിൽ പി.സി (അധ്യാപകൻ), മുഹമ്മദ് ബിലാൽ ബാഖവി (ചീഫ് ഇമാം കാഞ്ഞിരം ജുമാ മസ്ജിദ് ), നൂറുദ്ദീൻ മേത്തർ തോട്ടയ്ക്കാട് (രക്ഷധികാരി, കുമ്മനം പുഴയോരം ഫെസ്റ്റ് ), കെ.എച്ച്. മുഹമ്മദ് കുട്ടി (പ്രസിഡന്റ്, കാഞ്ഞിരം മുസ്ലിം ജമാഅത്ത്), അബ്ദുൾ കലാം ആസാദ് (ജീവൻരക്ഷാ സ്വിമ്മിംഗ് അക്കാദമി), ഷാന്റി എം ബാബു
(ടീം ലീഡർ,ജീവൻരക്ഷാ സ്വിമ്മിംഗ് അക്കാദമി), എന്നിവർ ആശംസകൾ അർപ്പിച്ചു സംസാരിക്കും.
റെജീന മുഷറഫാണ് (സംസ്ഥാന പ്രസിഡന്റ്,നെൽകർഷകസംരക്ഷണസമിതി) സ്വാഗതവും എൽമി ജേക്കബ് (ഓണജലോത്സവം സംഘാടകസമിതി അംഗം) കൃതജ്ഞതയും രേഖപ്പെടുത്തും.
