തിരുവനന്തപുരം: ഇന്ത്യൻ ഒളിംപിക് അസോസിയേഷൻ തെരഞ്ഞെടുപ്പില്‍ നിലവിലെ പ്രസിഡന്റ് പി.ടി ഉഷക്ക് തോല്‍വി.
ന്യൂ ഭാരത് പാനലിലെ എല്ലാവരും വിജയിച്ചു. അഞ്ജു ബോബി ജോർജ്, സൈന നെഹ്‍വാള്‍ ഡോള ബാനർജി എന്നിവരടങ്ങിയ പാനലാണ് വിജയിച്ചത്. നിലവില്‍ ഒളിംമ്പിക്സ് അസോസിയേഷൻ അധ്യക്ഷയാണ് ഡോള ബാനർജി.
സ്പോർട്സ് പേഴ്സണ്‍ ഔട്ട്സ്റ്റാൻഡിങ് വിഭാഗത്തിലേക്കുള്ള തെരഞ്ഞെടുപ്പാണ് പൂർത്തിയായത്. ഈ തെരഞ്ഞെടുപ്പില്‍ വിജയിക്കുന്നവർക്ക് മാത്രമേ അധ്യക്ഷ പദവിയിലേക്കുള്ള ജനറല്‍ ബോഡി തെരഞ്ഞെടുപ്പില്‍ മത്സരിക്കാൻ സാധിക്കുകയുള്ളൂ.
തന്നെ തോല്‍പ്പിക്കാൻ സംഘടിത ശ്രമങ്ങള്‍ നടക്കുന്നുണ്ടെന്നും, ന്യൂ ഭാരത് പാനല്‍ വാട്സാപ്പിലൂടെ തനിക്കെതിരെ ക്യാമ്പയിൻ നടത്തുന്നുണ്ടെന്നും പി.ടി ഉഷ നേരത്തെ ആരോപിച്ചിരുന്നു. ഇതേത്തുടർന്ന് ഭരണാധികാരികള്‍ക്ക് പരാതിയും നല്‍കിയിരുന്നു.
വനിതാ വിഭാഗത്തില്‍ നാല് സ്ഥാനങ്ങളിലേക്ക് ആറുപേർ മത്സരിക്കാൻ എത്തിയതാണ് തെരഞ്ഞെടുപ്പ് അനിവാര്യമാക്കിയത്. പുരുഷ വിഭാഗത്തില്‍ നാല് സ്ഥാനങ്ങളിലേക്ക് നാലുപേർ മാത്രമുണ്ടായിരുന്നതിനാല്‍ അവിടെ തെരഞ്ഞെടുപ്പില്ലാതെ വിജയികളെ തീരുമാനിച്ചിരുന്നു.
