തിരുവനന്തപുരം ˸ ഞാന് കാശിയിലേക്ക് പോകുന്നു, ഇനിയുള്ള ജീവിതം അവിടെ ജീവിച്ച് ദൈവത്തോടലിയും എന്ന് കടലാസില് എഴുതിവെച്ച് ഇക്കഴിഞ്ഞ ആഗസ്ത് എട്ടിന് വീടുവിട്ട് പോയ ശിവസൂര്യ എന്ന വിദ്യാര്ത്ഥിയെ ചുറ്റിവളഞ്ഞ് ഓണ്ലൈന് ചൂതാട്ട സംഘമെന്ന് കണ്ടെത്തല്.
അമിതമായ ഫോണ് ഉപയോഗത്തിന്റെ പേരില് അച്ഛന് ചീത്ത പറഞ്ഞതിനെതുടര്ന്നാണ് ശിവസൂര്യ വീടുവിട്ടിറങ്ങിയത്.
ശിവസൂര്യ 5000 രൂപ വരെയുള്ള ഉയര്ന്ന തുകകള് വെച്ച് ഓണ്ലൈന് ചൂതാട്ടം നടത്തിയിരുന്നതായി കണ്ടെത്തിയിട്ടുണ്ട്. ഇത്രയധികം തുക ശിവസൂര്യയ്ക്ക് എവിടെ നിന്നും ലഭിച്ചു എന്ന ചോദ്യമാണ് ഡാര്ക് വെബില് കുട്ടികളെ പിടിക്കാന് പതിയിരിക്കുന്ന ഓണ്ലൈന് ചൂതാട്ട സംഘത്തെക്കുറിച്ച് ഭയപ്പെടുത്തുന്ന ചോദ്യം ഉയര്ത്തുന്നത്. ഈ സംഘങ്ങള് കുട്ടികളുടെ നിയന്ത്രണം ഏറ്റെടുക്കുന്നതിനെക്കുറിച്ച് കൂടുതല് പഠനങ്ങള് ആവശ്യമാണെന്ന് കരുതപ്പെടുന്നു.
ഇനിയുള്ള ജീവിതം കാശിയില് ജീവിച്ച് ദൈവത്തോടലിയും എന്ന കുറിപ്പ് എഴുതിവെച്ചതിനാല് ശിവസൂര്യയെ പൊലീസ് കാശിയിലും അരിച്ചുപെറുക്കിയിരുന്നു. ലോഡ്ജുകളിലും ശവങ്ങള് കത്തിക്കുന്ന പടവുകളിലും എല്ലാം ശിവസൂര്യയെ അന്വേഷിച്ചിരുന്നു. കണ്ടെത്താന് കഴിഞ്ഞില്ല. ഏറ്റവും ഞെട്ടിക്കുന്ന സംഭവം ശിവസൂര്യയെ ഒരു ക്യാമറയിലും കണ്ടെത്താന് കഴിഞ്ഞില്ല എന്നതാണ്. ഇതേ തുടര്ന്ന് പരിസരപ്രദേശങ്ങളിലെ കിണറുകളിലും കുളങ്ങളിലും പൊലീസ് തിരച്ചില് നടത്തിയിരുന്നു






