ഏറ്റുമാനൂർ: വെള്ളപ്പൊക്കത്തിൽ ശുദ്ധജലം ലഭിക്കാതെ വീടുകളിൽ ഒറ്റപ്പെട്ടു കഴിയുന്നവർക്ക് ആശ്വാസമേകി വാട്ടർ അതോറിറ്റി. പൈപ്പുകളിൽ വെള്ളമെത്തി.
ഏറ്റുമാനൂർ നഗരസഭയുടെ മീനച്ചിലാറിനോട് ചേർന്ന പ്രദേശങ്ങളിലെ നൂറുകണക്കിന് വീടുകളിൽ വെള്ളം കയറുകയും കിണറുകൾ ഉപയോഗശൂന്യമാകുകയും ചെയ്തിരുന്നു.
ഇതേസമയംതന്നെ വാട്ടർ അഥോറിറ്റിയുടെ ജലവിതരണം പൂർണമായും സ്തംഭിച്ചു. നഗരസഭയുടെ കുടിവെള്ള വിതരണം പാളുകകൂടി ചെയ്തതോടെ പ്രളയബാധിതർ വലഞ്ഞു.
വെള്ളം കയറിയ വീടുകളിലെല്ലാംതന്നെ വാട്ടർ അഥോറിറ്റിയുടെ പൈപ്പ് കണക്ഷൻ ഉണ്ടെങ്കിലും വെള്ളം ലഭിക്കുന്നുണ്ടായിരുന്നില്ല.
മുമ്പ് ആഴ്ചയിൽ രണ്ടു ദിവസം നടന്നിരുന്ന ജലവിതരണം പ്രളയമായതോടെ നിലയ്ക്കുകയായിരുന്നു.
