കോട്ടയം : കോട്ടയം എംപ്ലോയബിലിറ്റി സെന്ററിന്റെ ആഭിമുഖ്യത്തിൽ 140ലധികം ഒഴിവുകളിലേക്ക് ഉദ്യോഗാർത്ഥികളെ നിയമിക്കുന്നു. ഹയർ 360 ഗ്ലോബൽ പ്രൈവറ്റ് ലിമിറ്റഡ്, ഐടിസി കുമരകം റിസോർട്ട് ആൻഡ് സ്പാ, ഇൻഡസ് നിപ്പോൺ ലൈഫ് ഇൻഷുറൻസ്, ബിജി ക്രോപ് സയൻസ് ആൻഡ് ടെക്നോളജി പ്രൈവറ്റ് ലിമിറ്റഡ് എന്നീ സ്ഥാപനങ്ങളിലേക്കാണ് ഉദ്യോഗാർത്ഥികളെ തിരഞ്ഞെടുക്കുന്നത്.
പ്ലസ് ടു, ഡിഗ്രി, ഐടിഐ, ബിടെക്, ഡിപ്ലോമ എന്നിവയാണ് വിദ്യാഭ്യാസ യോഗ്യത. സെപ്റ്റംബർ 19ന് രാവിലെ 10 മണിക്കാണ് അഭിമുഖം നടക്കുക. കോട്ടയം സിവിൽ സ്റ്റേഷനിലെ എംപ്ലോയ്മെന്റ് എക്സ്ചേഞ്ചിലെ എംപ്ലോയബിലിറ്റി സെന്ററിൽ വച്ചാണ് അഭിമുഖം നടക്കുക.
39 വയസ് വരെയുള്ളവർക്കാണ് അഭിമുഖത്തിൽ പങ്കെടുക്കാൻ അവസരം.
കൂടുതൽ വിവരങ്ങൾക്ക് ഫോൺ : 8138908657, 0481 2563451(ഇസി), ഇമെയിൽ : emp.kottayam@gmail.com
