കോട്ടയം : ഉപരാഷ്ട്രപതി സിപി രാധാകൃഷ്ണന് കോട്ടയത്തെ റബര് ബോര്ഡ് ആസ്ഥാനം സന്ദര്ശിക്കും. റബര് മേഖലയിലെ വിവിധ വിഷയങ്ങള് ചര്ച്ച ചെയ്യുന്നതിനായി സംഘടിപ്പിക്കുന്ന റബര് സ്റ്റേക്ക്ഹോള്ഡേഴ്സ് യോഗത്തിലും അദ്ദേഹം പങ്കെടുക്കും.
റബര് ബോര്ഡ് ചെയര്മാന് എന് ഹരി പാര്ലമെന്റിലെ ഓഫീസിലെത്തി ഉപരാഷ്ട്രപതിയെ സന്ദര്ശിച്ചാണ് ഉപരാഷ്ട്രപതിയെ യോഗത്തിലേക്ക് ക്ഷണിച്ചത്. ക്ഷണം സ്വീകരിച്ച ഉപരാഷ്ട്രപതി, കോട്ടയത്തെ റബര് ബോര്ഡ് ആസ്ഥാനം സന്ദര്ശിക്കാമെന്ന് ഉറപ്പുനല്കിയതായി എൻ ഹരി അറിയിച്ചു.
റബര് കര്ഷകരും വ്യവസായ രംഗത്തെ പ്രമുഖരും പങ്കെടുക്കുന്ന പ്രധാനപ്പെട്ട സ്റ്റേക്ക്ഹോള്ഡേഴ്സ് യോഗത്തില് ഉപരാഷ്ട്രപതിയുടെ സാന്നിധ്യം മേഖലയ്ക്ക് വലിയ കരുത്താകുമെന്ന പ്രതീക്ഷയിലാണ് റബര് ബോര്ഡ്.
