കാർഡിഫ്: മാഞ്ചസ്റ്റർ സിറ്റിയെ തകർത്ത് ആഴ്സണലിന് കമ്യൂണിറ്റി ഷീൽഡ് കിരീടം.
എതിരില്ലാത്ത മൂന്ന് ഗോളിന്നായിരുന്നു എഫ് എ കപ്പ് ചാമ്പ്യൻമാരായ മാഞ്ചസ്റ്റർ സിറ്റിയെ ഇംഗ്ലീഷ് പ്രീമിയർ ലീഗ് ജേതാക്കളായ ആഴ്സണൽ തകർത്തത്.
കാർഡിഫിലെ മില്ലേനിയം സ്റ്റേഡിയത്തിൽ നടന്ന മത്സരത്തിൽ എതിരില്ലാത്ത മൂന്ന് ഗോളുകൾക്കായിരുന്നു ആഴ്സണലിന്റെ വിജയം.
മത്സരം തുടങ്ങി 25-ാം സെക്കന്റിൽ തന്നെആഴ്സണൽ ലീഡെടുത്തു.
റിക്കാർഡോ കാലഫിയോറിയായിരുന്നു ഗോൾസ്കോറർ.
കമ്യൂണിറ്റി ഷീൽഡിന്റെ 118 വർഷത്തെ ചരിത്രത്തിലെ ഏറ്റവും വേഗതയേറിയ ഗോളായിരുന്നു അത്.
28-ാം മിനിറ്റിൽ കൈ ഹാവെർട്സിലൂടെ ആഴ്സണൽ ലീഡുയർത്തി. മാർട്ടിൻ ഒഡേഗാഡിലൂടെ അവർ ഗോൾപട്ടിക പൂർത്തിയാക്കി.
കമ്യൂണിറ്റി ഷീൽഡിൽ ആഴ്സണലിന്റെ 18-ാം കിരീടമാണിത്. 2023-ൽ സിറ്റിയെ ഷൂട്ടൗട്ടിൽ തോൽപ്പിച്ചാണ് ആഴ്സണൽ കിരീടം നേടിയത്.
