കോട്ടയം: റേഷൻ കടയോട് അനുബന്ധിച്ചുള്ള ജില്ലയിലെ ആദ്യത്തെ ജനസേവന കേന്ദ്രം കോട്ടയം ചുങ്കത്ത് ARD 1523101 ലൈസൻസി രൂപേഷ് നായികിന്റെ കടയിൽ ആരംഭിക്കുന്നു. സെപ്റ്റംബർ 26 - ന് ഉച്ചയ്ക്ക് 12 - ന് നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ ഉദ്ഘാടനം നിർവഹിക്കും. കോട്ടയം ജില്ലാ സപ്ലൈ ഓഫീസർ സുരേഷ് വി , താലൂക്ക് സപ്ലൈ ഓഫീസർ തരുൺ തമ്പി , മുനിസിപ്പൽ കൗൺസിലർമാർ , വ്യാപാരി സംഘടന ഭാരവാഹികൾ തുടങ്ങിയവർ പങ്കെടുക്കും.
നിലവിലുള്ള കെ. സ്റ്റോർ വിപുലീകരിച്ച് ഒരു ജന സേവന കേന്ദ്രമായി ഉയർത്തുകയാണ് ലക്ഷ്യം.
റേഷന് പുറമെ മറ്റ് എല്ലാ സാധനങ്ങളും ഇവിടെ ലഭിക്കും. സപ്ലൈകോ , ശബരി ഉത്പന്നങ്ങൾക്ക് പുറമെ മിൽമാ ഉത്പന്നങ്ങളും ചെറുകിട വ്യവസായ, കുടുംബശ്രീ ഉത്പ്പന്നങ്ങളും ലഭിക്കും. ഇതിനെല്ലാം പുറമെ ജന സേവന കേന്ദ്രത്തിലെ എല്ലാ സേവനങ്ങളും ലഭ്യമാണ്.
