കുമരകം : സെന്റ് പീറ്റേഴ്സ് റോമൻ കത്തോലിക്ക ദൈവാലയത്തിൽ ഇടവക സമിതിയുടെയും മതബോധന വിഭാഗത്തിന്റെയും നേതൃത്വത്തിൽ വിപുലമായ ഓണാഘോഷം സംഘടിപ്പിച്ചു.
ഇടവക വികാരി റവ. ഫാ. മാത്യു മഠത്തിൽ ഓണാഘോഷ പരിപാടികൾ ഉദ്ഘാടനം ചെയ്തു. പള്ളിയങ്കണത്തിൽ കുട്ടികൾ, വനിതകൾ, പുരുഷന്മാർ എന്നിവർ അവതരിപ്പിച്ച വിവിധ കലാപരിപാടികൾ അരങ്ങേറി. ഇടവക സെക്രട്ടറി സെബാസ്റ്റ്യൻ ജെയിംസ് സ്വാഗതം ആശംസിച്ചു. ഇടവക സാമ്പത്തിക സമിതി സെക്രട്ടറി ഫെനിൽ ജേക്കബ് നന്ദി രേഖപ്പെടുത്തി.
വൈവിധ്യമാർന്ന കലാപരിപാടികളോടൊപ്പം വിഭവസമൃദ്ധമായ ഓണസദ്യയും ഒരുക്കിയിരുന്നു. ഒത്തൊരുമയുടെയും സന്തോഷത്തിന്റെയും നിറവിൽ നടന്ന ഓണാഘോഷം എല്ലാവർക്കും ഹൃദ്യമായ അനുഭവമായി.
