മുക്കൂട്ടുതറ: മുക്കൂട്ടുതറയില് അസീസി ആശുപത്രിക്ക് സമീപം കാറും ബൈക്കും കൂട്ടിയിടിച്ച് പരിക്കേറ്റ് ചികിത്സയിലായിരുന്ന വെച്ചൂച്ചിറ സ്വദേശി മരിച്ചു.
വെച്ചൂച്ചിറ വാഹമുക്ക് പാറക്കല് വീട്ടില് ജെയിംസ് മാത്യു (53) ആണ് പാലാ മാർ സ്ലീവാ ആശുപത്രിയില് ചികിത്സയിലിരിക്കെ മരണമടഞ്ഞത്. വൈകുന്നേരത്തോടെ ജെയിംസ് സഞ്ചരിച്ചിരുന്ന ബൈക്കും മുക്കൂട്ടുതറ സ്വദേശികള് സഞ്ചരിച്ചിരുന്ന കാറും തമ്മില് കൂട്ടിയിടിക്കുകയായിരുന്നു.
അപകടത്തില് ഗുരുതരമായി പരിക്കേറ്റ അദ്ദേഹത്തെ കോട്ടയം കാരിത്താസ് ആശുപത്രിയിലും തുടർന്ന് വിദഗ്ധ ചികിത്സയ്ക്കായി പാലാ മാർ സ്ലീവാ ആശുപത്രിയിലേക്കും മാറ്റിയെങ്കിലും ജീവൻ രക്ഷിക്കാനായില്ല. അപകടത്തില് പരിക്കേറ്റ കാറിലുണ്ടായിരുന്ന മറ്റുള്ളവരെ മുക്കൂട്ടുതറ അസീസി ആശുപത്രിയില് പ്രവേശിപ്പിച്ചു. സംഭവസ്ഥലത്തെത്തിയ എരുമേലി പോലീസ് മേല്നടപടികള് സ്വീകരിച്ചു.
