കോട്ടയം : അമ്പലക്കവലയിൽ കാർ വെയിറ്റിങ് ഷെഡിലേക്ക് ഇടിച്ചു കയറി അപകടം. അപകടത്തിൽ ആളപായമില്ല. ഇന്നലെ രാത്രി 12 ഓടെയാണ് അപകടം നടന്നത്.
മെഡിക്കൽ കോളേജ് ഭാഗത്ത് നിന്നും അമിത വേഗത്തിൽ എത്തിയ വാഹനം ഹൈമാസ്റ്റ് ലൈറ്റിന് വശത്തുകൂടെ കാത്തിരിപ്പ് കേന്ദ്രത്തിലേക്ക് പാഞ്ഞു കയറുകയായിരുന്നു. ഒച്ചകേട്ട് എത്തിയ സമീപവാസികൾ കാറിൽ ഉണ്ടായിരുന്നവരെ മെഡിക്കൽ കോളേജ് ആശുപത്രിയിലേക്ക് മറ്റൊരു വാഹനത്തിൽ കയറ്റി വിട്ടു.
കാഴ്ചയിൽ പരുക്ക് ഗുരുതരമല്ലെന്നാണ് നാട്ടുകാർ വ്യക്തമാക്കുന്നത്. അതേസമയം ഇവർ മെഡിക്കൽ കോളേജ് ആശുപത്രിയിൽ ചികിത്സ തേടിയിട്ടില്ല. ഗാന്ധിനഗർ പൊലീസ് സ്ഥലത്തെത്തി നടപടികൾ സ്വീകരിച്ചു.
