തിരുവനന്തപുരം: ബോർഡ്-കോർപ്പറേഷൻ വിഭജനവുമായി ബന്ധപ്പെട്ട് കോണ്‍ഗ്രസില്‍ ഭിന്നത രൂക്ഷമാകുന്നു.
തീരുമാനമെടുക്കുന്നതില്‍ എ ഗ്രൂപ്പ് നേതാക്കളെ പരിഗണിക്കാത്തതാണ് ഗ്രൂപ്പിനുള്ളിലെ അതൃപതിക്ക് കാരണം. മുഖ്യമന്ത്രിയും കെപിസിസി പ്രസിഡന്റും ഉള്‍പ്പെടെയുള്ള ഉന്നത നേതാക്കള്‍ മാത്രം ചർച്ച നടത്തി ഏകപക്ഷീയമായി തീരുമാനമെടുക്കുന്നുവെന്നാണ് പ്രധാന പരാതി.
നിർണായക വിഷയങ്ങളില്‍ ഗ്രൂപ്പ് നേതാക്കളുമായി കൂടിയാലോചിക്കുന്ന പതിവ് ഒഴിവാക്കപ്പെടുകയാണെന്നാണ് എ ഗ്രൂപ്പിന്റെ ആക്ഷേപം.
ബോർഡ്-കോർപ്പറേഷൻ വിഭജനവുമായി ബന്ധപ്പെട്ട ചർച്ചകളില്‍ ഗ്രൂപ്പ് നേതാക്കളെ ഉള്‍പ്പെടുത്തുകയോ അഭിപ്രായം തേടുകയോ ചെയ്തില്ലെന്നും നേതാക്കള്‍ക്ക് പരാതിയുണ്ട്.
മുഖ്യമന്ത്രിയുടെയും കെപിസിസി പ്രസിഡന്റിന്റെയും നടപടികളിലുള്ള അതൃപ്തി എ ഗ്രൂപ്പ് നേതാക്കള്‍ ഇതിനകം പരസ്യമായി പ്രകടിപ്പിച്ചിട്ടുണ്ട്.
തീരുമാനങ്ങള്‍ ഏകപക്ഷീയമായി മുന്നോട്ടുകൊണ്ടുപോകുന്ന രീതി അംഗീകരിക്കാനാകില്ലെന്ന നിലപാടിലാണ് ഗ്രൂപ്പ് നേതാക്കള്‍.
