കോട്ടയം : കേന്ദ്ര മന്ത്രിസഭ പുന:സംഘടനയിൽ ബിഡിജെഎസിന് അർഹമായ പ്രാതിനിധ്യം വേണമെന്ന് ബിഡിജെഎസ് കോട്ടയം നിയോജക മണ്ഡലം പ്രവർത്തകയോഗം ആവശ്യപ്പെട്ടു. കോട്ടയം നാഗമ്പടം നെഹൃ സ്റ്റേഡിയം അധികൃതരുടെ അനാസ്ഥ മൂലം നശിക്കുന്നതിൽ യോഗം ഉത്ത്കണ്ഠ രേഖപ്പെടുത്തുകയും ചെയ്തു.
കൂടാതെ കായിക മത്സരങ്ങൾക്ക് വേദിയാകുന്ന നിലയിൽ സ്റ്റേഡിയം നവീകരിക്കണമെന്നാവശ്യപ്പെട്ട് പ്രത്യക്ഷ സമര പരിപാടികൾ നടത്തുന്നതിനും യോഗം തീരുമാനിച്ചു. ജില്ലാ സെക്രട്ടറി എംഎം റെജിമോൻ അദ്ധ്യക്ഷത വഹിച്ച യോഗം സംസ്ഥാന കമ്മിറ്റിയംഗം പി അനിൽകുമാർ ഉദ്ഘാടനം ചെയ്തു.
യോഗത്തിൽ സംസ്ഥാന കമ്മിറ്റിയംഗം ഷാജി ശ്രീശിവം, ജില്ലാ വൈസ് പ്രസിഡൻ്റ് അഡ്വ.ശാന്താറാം റോയി തോളൂർ, ജില്ലാ സെക്രട്ടറി സജീഷ്കുമാർ മണലേൽ എന്നിവർ പ്രസംഗിച്ചു. കോട്ടയം മണ്ഡലം പ്രസിഡൻ്റ് പിബി ഗിരീഷ് സ്വാഗതവും പനച്ചിക്കാട് മണ്ഡലം പ്രസിഡൻ്റ് ദീപു കെ വിജയൻ കൃതഞ്ജതയും രേഖപ്പെടുത്തി.
കോട്ടയം നിയോജക മണ്ഡലം ഭാരവാഹികളായി പിബി ഗിരീഷ് കോട്ടയം (പ്രസിഡൻ്റ്), ബിനൂപ് മോഹൻ പള്ളം, പികെ ലൈജു തിരുവാതുക്കൽ, എസ് ദിലീപ്കുമാർ ചാന്നാനിക്കാട് (വൈസ് പ്രസിഡൻ്റ് മാർ), ദീപു കെ വിജയൻ നെല്ലിക്കൽ (ജനറൽ സെക്രട്ടറി), കെഎ സോമനാഥൻ പള്ളം, വി ബിജുമോൻ മറിയപ്പള്ളി, സിവി പ്രവീൺ സംക്രാന്തി (സെക്രട്ടറിമാർ), കെഎൻ വേണു രാജ് തളീക്കോട്ട, പിജെ അൻഷാദ് കാരാപ്പുഴ (ജോയിൻ്റ് സെക്രട്ടറിമാർ), വിഎം പ്രദീപ് വിജയപുരം (ട്രഷറർ), സിആർ രാജൻബാബു കോട്ടയം, പിയു ദിവ്യൻ കുഴിമറ്റം (ജില്ലാ കമ്മിറ്റിയംഗങ്ങൾ) എന്നിവരെ തിരഞ്ഞെടുത്തു.
