വടകര: വടകരയില്‍ സൈബർ തട്ടിപ്പ് സംഘത്തിന് ബാങ്ക് അക്കൗണ്ടുകള്‍ വാടകയ്ക്ക് നല്‍കിയ മ്യൂള്‍ അക്കൗണ്ട് ഉടമകള്‍ പിടിയില്‍.
ആറുപേരാണ് പൊലീസിന്റെ പിടിയിലായത്. സൈബർ തട്ടിപ്പിലൂടെ ലഭിക്കുന്ന പണം ബാങ്ക് അക്കൗണ്ടുകളിലൂടെ പിൻവലിച്ചു നല്‍കുന്ന സംഘമാണ് ഇവർ.
വടകര സ്വദേശികളായ അരുണ്‍, വിവേക് സന്തോഷ്, ദേവ്ജിത്ത്, അനുരാഗ്, ഷൗക്കത്തലി, സജീഷ് എന്നിവരെയാണ് പൊലീസ് അറസ്റ്റ് ചെയ്തത്.
ലക്ഷങ്ങളുടെ പണം ഇവരുടെ അക്കൗണ്ടുകളിലൂടെ കൈമാറ്റം ചെയ്യപ്പെട്ടതായി പൊലീസ് കണ്ടെത്തിയിട്ടുണ്ട്. പ്രതികള്‍ ഏറെ നാളുകളായി പൊലീസിൻ്റെ നിരീക്ഷണത്തിലായിരുന്നു.
