കല്‍പ്പറ്റ: വീട്ടില്‍ അളവില്‍ കൂടുതല്‍ മദ്യം കണ്ടെടുത്ത കേസില്‍ ആന്റോ അഗസ്റ്റിന്റെ ഭാര്യാമാതാവിന്റെ മൊഴി എടുക്കാൻ എക്സൈസ്.
ഭാര്യാമാതാവ് വയനാട് നെന്മേനി കോളിയാടി സ്വദേശി ലില്ലി ജോസിന് ഉടൻ നോട്ടീസ് നല്‍കും. മദ്യശേഖരം കണ്ടെത്തിയ വാഴവറ്റയിലെ മൂങ്ങനാനിയില്‍ വീട് ബാങ്ക് ജപ്തി ചെയ്തത് ആണെന്നും തുടർന്ന് ലില്ലി ജോസ് എന്നയാള്‍ ലേലത്തില്‍ പിടിച്ചടുത്തെന്നുമായിരുന്നു ആൻ്റോ അഗസ്റ്റിൻ്റെ മൊഴി.
ആന്റോയുടെ മൊഴിയാണ് ലില്ലിക്ക് കുരുക്കായത്. നെന്മേനിയിലെ ലില്ലിയുടെ വീട്ടില്‍ എക്സൈസ് അന്വേഷണസംഘം എത്തിയെങ്കിലും ഇവരെ നേരില്‍ കാണാനായില്ല.
ഇതോടെയാണ് നോട്ടീസ് അയച്ചു വിളിച്ചു വരുത്തുന്നത്. വീട് തന്റേത് ആണെന്ന് ലില്ലി മൊഴി നല്‍കിയാല്‍ ഇവരും കേസില്‍ കൂട്ട് പ്രതിയാകും. അടുത്ത ദിവസം തന്നെ നോട്ടീസ് നല്‍കാനാണ് നീക്കം.
