ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ വിജയക്കുതിപ്പ് തുടര്‍ന്ന് മാഞ്ചസ്റ്റര്‍ സിറ്റി. കരുത്തരായ ലിവര്‍പൂളിനെ എതിരില്ലാത്ത മൂന്ന് ഗോളിന് സിറ്റി തകര്‍ത്തു.
മത്സരത്തിന്റെ രണ്ടാം പകുതിയിലാണ് മൂന്ന് ഗോളും പിറന്നത്. 65- മിനിറ്റില്‍ എര്‍ലിങ് ഹാളണ്ടാണ് ഗോളടി തുടങ്ങിയത്. പിന്നാലെ 68- മിനിറ്റില്‍ ജെറോമി ഡോക്കു വീണ്ടും സ്‌കോര്‍ ചെയ്തു. 78-ാം മിനിറ്റില്‍ റയാന്‍ ചെര്‍ക്കിമൂന്നാം ഗോളുമായി സിറ്റിയുടെ ജയം ആഘോഷമാക്കി. 62- മിനിറ്റില്‍ ലിവര്‍പൂള്‍ താരം റയാന്‍ ഗ്രവെന്‍ബെര്‍ച്ച്‌ ചുവപ്പ് കാര്‍ഡ് കണ്ട് പുറത്തായത് മത്സരത്തില്‍ നിര്‍ണായകമായി. ലീഗിലെ ആദ്യ ആറ് മത്സരവും ജയിച്ച സിറ്റി ഒന്നാം സ്ഥാനത്ത് തുടരുകയാണ്.
മറ്റൊരു മത്സരത്തില്‍ എവര്‍ട്ടനെ സമനിലയില്‍ കുരുക്കി ഹള്‍ സിറ്റി. ഇരു ടീമുകളും രണ്ട് ഗോള്‍ വീതം നേടി. 48-ാം മിനിറ്റില്‍ ഹള്‍ സിറ്റിയാണ് ആദ്യം ഗോള്‍ നേടിയത്. പിന്നീട് 55ാ-ാം മിനിറ്റില്‍ എവര്‍ട്ടന്‍ ഒപ്പമെത്തി 68- മിനിറ്റില്‍ രണ്ടാം ഗോള്‍ നേടി എവര്‍ട്ടന്‍ ജയം പ്രതീക്ഷിച്ചെങ്കിലും 74-ാം മിനിറ്റില്‍ ഹള്‍ സിറ്റി സമനില പിടിച്ചു പോയിന്റ് പട്ടികയില്‍ എവര്‍ട്ടന്‍ അഞ്ചാം സ്ഥാനത്തും ഹള്‍ സിറ്റി എട്ടാം സ്ഥാനത്തുമാണ്.
കഴിഞ്ഞ ദിവസം ലീഡ്സ് യുണൈറ്റഡിനെതിരെ ആഴ്സനല്‍ ജയം നേടിയിരുന്നു. ഒന്നിനെതിരെ രണ്ട് ഗോളിനായിരുന്നു ആഴ്സനലിന്റെ ജയം. മത്സരത്തില്‍ ലീഡ്സാണ് ആദ്യം ഗോളടിച്ചത്. 55- മിനിറ്റില്‍ ജെയിംസ് ജസ്റ്റിനിലൂടെ ലീഡ്. പിന്നാലെ ഉണര്‍ന്നുകളിച്ച ആഴ്സനല്‍ 62- മിനിറ്റില്‍ റിക്കാര്‍ഡോയുടെ ഗോളിലൂടെ ഒപ്പമെത്തി. 70- മിനിറ്റില്‍ ഗിമറെയ്‌സ് ആഴ്സനലിന്റെ വിജയഗോള്‍ നേടി. മറ്റൊരു മത്സരത്തില്‍ മാഞ്ചസ്റ്റര്‍ യുണൈറ്റഡ്, ടോട്ടനവുമായി സമനിലയില്‍ പിരിഞ്ഞു. ഇരു ടീമുകളും ഓരോ ഗോള്‍ വീതം നേടി. രണ്ടാം പകുതിയിലായിരുന്നു.
ബോണ്‍മൗത്തിനെ ഒന്നിനെതിരെ 5 ഗോളിന് തകര്‍ത്ത് ചെല്‍സി. ജോര്‍ദാന്‍ ഹെന്‍ഡേഴ്സന്റേയും ജാവോ പെഡ്രോയിടേയും ഇരട്ട ഗോളുകളാണ് ചെല്‍സിക്ക് കരുത്തായത്. മത്സരത്തിന്റെ രണ്ടാം മിനിറ്റിലും മൂന്നാം മിനിറ്റിലും ചെല്‍സി ഗോള്‍ നേടിയിരുന്നു.
