കോട്ടയം : പന്തളം കുരമ്പാല പുത്തൻകാവ് ക്ഷേത്രത്തിന് സമീപം കാറ് പാർസല് ലോറിയില് ഇടിച്ച് കോട്ടയം സ്വദേശിനിക്ക് ദാരുണാന്ത്യം. കെഎസ്ആർടിസി ജനറല് ഇൻസ്പെക്ടറുടെ ഭാര്യയാണ് മരിച്ചത്. കോട്ടയം വടവത്തൂർ മംഗലപ്പള്ളി വീട്ടില് രാജേഷ് ജോണിൻ്റെ ഭാര്യ ബോണി രാജേഷ് (45) ആണ് മരിച്ചത്.
അപകടത്തിന് പിന്നാലെ രാജേഷ് ജോണിനെ ഗുരുതര പരുക്കുകളോടെ പന്തളത്തെ സ്വകാര്യ ആശുപത്രിയില് പ്രവേശിപ്പിച്ചു. ഇന്ന് പുലർച്ചെ ഒന്നിന് കുരമ്പാല പുത്തൻകാവ് ക്ഷേത്രത്തിനു സമീപം വച്ചായിരുന്നു അപകടം.
കിഡ്നി രോഗിയായിരുന്നു മരിച്ച ബോണി രാജേഷ്. ഇവരെ തിരുവല്ലയിലെ സ്വകാര്യ ആശുപത്രിയില് ഡയാലിസിസ് ചെയ്ത ശേഷം തിരികെ അടൂർ പെരിങ്ങനാടുള്ള വാടക വീട്ടിലേക്ക് വരുമ്പോഴായിരുന്നു അപകടം.





