.ചെന്നൈ˸ 'ഓം' എന്ന തമിഴ് സിനിമയില് ധനുഷിന്റെ അച്ഛനായി വേഷമിടുന്ന മമ്മൂട്ടി സിനിമയുടെ പ്രീറിലീസുമായി ബന്ധപ്പെട്ട് ചെന്നൈയില് തന്റെ കഥാപാത്രത്തെക്കുറിച്ച് പൊട്ടിച്ച തമാശ സമൂഹമാധ്യമങ്ങളില് വൈറലായി പ്രചരിക്കുന്നു.
ചെന്നൈയിലെ സദസ്സിനു മുന്നില് തനിക്ക് ഈ കഥാപാത്രത്തില് ചെയ്യാന് യാതൊന്നുമില്ലെന്ന് മമ്മൂട്ടി പറഞ്ഞപ്പോള് നായകനായ ധനുഷും ഓം സിനിമയുടെ സംവിധായകന് രാജ്കുമാര് പെരിയസ്വാമിയും അന്തം വിട്ടു. കാരണം തനിക്ക് ഈ സിനിമയില് യാതൊന്നും ചെയ്യാനില്ലെന്നും തനിക്ക് ചെയ്യാന് ഒരേയൊരു കാര്യമേയുള്ളൂവെന്നും അത് മമ്മൂട്ടിയുടെ കഥാപാത്രത്തിന് കീഴില് ജോലി ചെയ്യുന്ന രണ്ട് ഗുണ്ടകളായ ഗണേഷിനെയും തണ്ടിയപ്പയെയും വിളിക്കുക എന്നത് മാത്രമാണെന്നുമായിരുന്നു മമ്മൂട്ടിയുടെ ഒരു കമന്റ്. മറ്റൊന്ന് മകനായ ധനുഷിന്റെ കഥാപാത്രമായ തിരുവിനെ വിളിക്കുക. എന്നിട്ട് "തിരു, പോയി അവനെ തല്ല്, ഇവനെ തല്ല്" എന്ന് പറയുക. ഇതാണോ ഈ സിനിമയില് എനിക്കുള്ള വേഷം. കഴിഞ്ഞ 6 മാസമായി ഞാൻ ചെയ്തുകൊണ്ടിരിക്കുന്നതും ഇതുതന്നെയാണ്.- ഇത്രയും മമ്മൂട്ടി പറഞ്ഞ് നിര്ത്തിയപ്പോള് സംവിധായകന് രാജ് കുമാര് പെരിയസ്വാമിയുടെയും നടന് ധനുഷിന്റെയും മുഖം വാടി.
പക്ഷെ ߵߵതമാശ പറഞ്ഞതാണ് കേട്ടോ, പക്ഷേ സിനിമ വളരെ ഗൗരവമുള്ളതാണ്! ˮ- എന്ന് മമ്മൂട്ടി പറഞ്ഞുനിര്ത്തിയപ്പോള് സദസ്സില് വലിയ പൊട്ടിച്ചിരി ഉയര്ന്നു.






