കണ്ണൂർ: ഡോ. അബ്ദുല്ല ബാസിലിന്റെ പരാതിയില് കേസെടുത്ത സംഭവത്തില് എക്സ് മുസ്ലിം ആക്ടിവിസ്റ്റും യൂട്യൂബറുമായ ആരിഫ് ഹുസൈന് തെരുവോത്തിന് മുന്കൂര് ജാമ്യം. കണ്ണൂര് കോടതിയാണ് ആരിഫിന് മുന്കൂര് ജാമ്യം അനുവദിച്ചത്.
ഡോ. അബ്ദുല്ല ബാസിലിന്റെ പരാതിയില് കണ്ണൂര് ചക്കരക്കല്ല് പൊലീസ് ജാമ്യമില്ലാ വകുപ്പുകള് പ്രകാരം എടുത്ത കേസിലാണ് കോടതിയുടെ നടപടി. ആരിഫിനെതിരെ പ്രാഥമികമായി ജാമ്യം ലഭിക്കാവുന്ന വകുപ്പുകള് ചുമത്തിയാണ് എഫ്.ഐ.ആര് രജിസ്റ്റര് ചെയ്തിരുന്നതെങ്കിലും, പിന്നീട് വിശദമായ അന്വേഷണത്തിനും നിയമോപദേശത്തിനും പിന്നാലെ കേസില് കഠിനമായ ജാമ്യമില്ലാ വകുപ്പുകള് കൂടി കൂട്ടിച്ചേര്ക്കുകയായിരുന്നു.
സാമുദായിക സ്പര്ദ്ധ ഉണ്ടാക്കാന് ശ്രമിച്ചെന്ന വകുപ്പ് കൂടി ഉള്പ്പെടുത്തിയാണ് പോലീസ് കേസ് രജിസ്റ്റര് ചെയ്തത്. ഫേസ്ബുക്ക് പോസ്റ്റിലൂടെ അബ്ദുല്ല ബാസിലിന്റെ മാതാവിനെയും സഹോദരിയെയും അടക്കമുള്ള കുടുംബാംഗങ്ങളെയും മുസ്ലിം സ്ത്രീകളെയും ലക്ഷ്യമിട്ട് അധിക്ഷേപകരവുമായ പരാമര്ശങ്ങള് നടത്തിയെന്നായിരുന്നു പരാതി..
എന്നാല്, താന് ആറെയും അധിക്ഷേപിച്ചില്ലെന്നും യുക്തിവാദികള്ക്കെതിരായ അധിക്ഷേപത്തെ പ്രതിരോധിക്കുകയാണ് ചെയ്തത് എന്നുമാണ് ആരിഫ് മറുപടി പറഞ്ഞത്.
