കോട്ടയം: മാനസികാരോഗ്യക്കുറവ് കുടുംബബന്ധങ്ങള് ശിഥിലമാക്കുന്നതില് പ്രധാന കാരണമാകുന്നുണ്ടെന്നും വനിതാ കമ്മീഷനു മുന്നില് ഇത്തരം പരാതികള് ഏറിവരുന്നതായും കമ്മീഷന് അംഗം അഡ്വ. ഇന്ദിരാ രവീന്ദ്രന്.
കോട്ടയം കളക്ടറേറ്റ് കോണ്ഫറന്സ് ഹാളില് നടന്ന കോട്ടയം ജില്ലാതല അദാലത്തിനു ശേഷം പ്രസംഗിക്കുകയായിരുന്നു കമ്മീഷന് അംഗം. വനിതാ കമ്മീഷന്റെ നേതൃത്വത്തില് ഈ വര്ഷം സംഘടിപ്പിക്കുന്ന സെമിനാറുകളുടെ മുഖ്യ ചര്ച്ചാവിഷയം മാനസികാരോഗ്യവുമായി ബന്ധപ്പെട്ടാണ്.
ജില്ലാതലത്തിലും പ്രാദേശികതലത്തിലും സെമിനാറുകളും ശില്പശാലകളും സംഘടിപ്പിക്കുന്നതിന് നടപടികള് പുരോഗമിക്കുകയാണ്. അമിത മദ്യാസക്തിയും വിവാഹേതര ബന്ധങ്ങളും സംബന്ധിച്ച പരാതികളും വര്ധിച്ചുവരുന്നതായും അഡ്വ. ഇന്ദിര രവീന്ദ്രന് പറഞ്ഞു. ഇന്നലെ പരിഗണിച്ച 41 കേസുകളില് ഏഴെണ്ണം തീര്പ്പാക്കി.
29 എണ്ണം അടുത്ത അദാലത്തിലേക്ക് മാറ്റി. പുതിയ നാലു പരാതികള് സ്വീകരിച്ചു. ഒരെണ്ണത്തില് കമ്മീഷര് റിപ്പോര്ട്ട് തേടി. കൗണ്സിലറായ ജിറ്റി ജോര്ജ്, സി.ഐ. ജോസ് കുര്യന് എന്നിവരും സിറ്റിംഗില് പങ്കെടുത്തു.
